аллаһниң немәтлирини йад етиңлар

земинда бузғунчилиқ қилмаңлар.

1319208
аллаһниң немәтлирини йад етиңлар

аллаһниң немәтлирини йад етиңлар

түркийә авази радийоси: әраф сүриси, 74 – 81 – айәтләр.  йад етиңларки, өз вақтида аллаһ силәрни ад қәвмидин кейин уларниң орунбасарлири қилди, силәрни (һиҗр) земиниға орунлаштурди, униң түзләңлиригә имарәтләр салдиңлар, тағларни тешип өйләр йасидиңлар. аллаһниң немәтлирини йад етиңлар, земинда бузғунчилиқ қилмаңлар» деди[74]. униң қәвминиң тәкәббур чоңлири бозәк қилинғанларға йәни уларниң ичидики мөминләргә: «силәр салиһни униң пәрвәрдигари тәрипидин әвәтилгән пәйғәмбәр дәп биләмсиләр?» деди. улар: «биз униң пәйғәмбәрликигә әлвәттә ишинимиз» деди[75]. һелиқи тәкәббурлар: «силәр ишәнгәнгә биз һәргиз ишәнмәймиз» деди[76]. улар чиши төгини боғузлиди, пәрвәрдигариниң әмрини тутуштин баш тартти вә и салиһ: «расттинла пәйғәмбәрләрдин болсаң, бизгә вәдә қилған азабни кәлтүрүп бақ» деди[77]. уларға қаттиқ азаб йүзләнди ـ дә, улар өйлиридә олтурған пети қетип қалди[78]. у (улар һалак болғандин кейин) уларға арқисини қилди вә: «и қәвмим! силәргә һәқиқәтән пәрвәрдигаримниң әлчиликини йәткүздүм, силәргә нәсиһәт қилдим, лекин силәр нәсиһәт қилғучиларни йақтурмидиңлар» деди[79]. лутни (әһли сәдомға пәйғәмбәр қилип әвәттуқ), өз вақтида у өз қәвмигә (уларни әйибләш йүзисидин) мундақ дегән иди: «силәр шундақ қәбиһ ишни қиламсиләр? мундақ қәбиһ ишни силәрдин илгири җаһан әһлидин һечқандақ адәм қилмиған иди[80]. силәр һәқиқәтән айалларни ташлап қойуп, әрләр билән җинсий тәлипиңларни қандурисиләр, силәр һәқиқәтән һәддидин ашқучи қәвмсиләр»[81].



مۇناسىۋەتلىك خەۋەرلەر