erdoghan «kambirij jamesi» ning échilish murasimigha qatnashti

engliyening kambirij shehiride bina qilinghan we yawropaning tunji «muhit asrash dosti» jamesi hésablinidighan «kambirj jamesi» jumhur reis rejep tayyip erdoghan ishtirak qilghan murasim arqiliq ishqa kirishtürüldi.

1318711
erdoghan «kambirij jamesi» ning échilish murasimigha qatnashti

türkiye awazi radiyosi xewiri: erdoghan murasimda qilghan sözide, uda 10 yildin köprek dawamlashqan xizmetning méwisi bolghan «kambirj jamesi» ning engliyede yashawatqan türklernimu öz ichige alghan pütkül musulmanlar üchün xeyrlik bolushigha tilekdashliq bildürdi, hemde uqumi «tinchliq» bolghan bir dinning simini «térrorizm» ibarisi bilen birlikte tilgha élishning xataliqini tekitlep mundaq dédi: «ey gherb elliri! silerning térrorizm  bilen islamni birlikte tilgha élish honguqular yoq,  eger bundaq qilishni dawamlashtursanglar, bizmu silerni lenetleymiz. derweqe, islamning ichidin yaki musulmanlarning arisidin birer térrorchi chiqti dep islamning shenige dagh tekküzelmeysiler, <islamiy térrorizm> déyelmeysiler. shuni bilishinglar kérekki, nöwette men jumhur reislik wezipisini ötewatqan türkiye daéshqa qarshi dunya boyiche eng küchlük  küreshni élip bériwatqan dölettur.»

mesum insanlar nishan qilinidighan her türlük zorawanliq hem heriketni qetiy ret qilish we buninggha qarshi chiqish mesuliyetlirining barliqini qeyt qilghan erdoghan, tarixiy gumanlarni bir chetke qayrip qoyup, nepret jinayetlirige qarshi birlikte  küresh qilishning zörürlükini, gherblik siyasiy teshkilatlar we axbarat wasitilirining musulmanlar yaki bashqa dingha étiqad qilidighanlarni chetke qéqish, eyibleshlerdin yiraq turushliri lazimliqini tekitlidi.

«kambirij jamesi» layihesige bashlimchiliq qilghan dunyagha dangliq senetchi yüsüf islammu murasimda qilghan sözide, nahayiti xushillinarliq bir xizmetning ishqa ashurulghanliqini, buningdin 42 yil ilgiri özining londonda yéngi sélinghan bir jamege bérip musulman bolghanliqini qeyt qildi.

igilinishiche, «kambirj jamesi» layiheside, islam  dinining éstétik senet éngi, peyghember eleyhissalamning yashash terzini eks ettürüsh we tebietni qoghdash asas qilinghan.



مۇناسىۋەتلىك خەۋەرلەر