бәхткә еришишиңлар үчүн аллаһниң немәтлирини йад етиңлар

өз вақтида нуһниң қәвми һалак болғандин кейин, аллаһниң силәрни уларниң орунбасарлири қилғанлиқини, вуҗудуңларни, қамәтлик, бәстлик қилғанлиқини йад етиңлар.

бәхткә еришишиңлар үчүн аллаһниң немәтлирини йад етиңлар

бәхткә еришишиңлар үчүн аллаһниң немәтлирини йад етиңлар

түркийә авази радийоси: әраф сүриси, 68 – 73 – айәтләр. силәргә пәрвәрдигаримниң әлчиликини йәткүзимән, мән силәргә ишәнчилик нәсиһәтчимән[68]. пәрвәрдигариңларниң вәһйиси силәрни агаһландуруш үчүн өз ичиңлардики бир киши арқилиқ кәлгәнликидин әҗәблинәмсиләр?›› өз вақтида нуһниң қәвми һалак болғандин кейин, аллаһниң силәрни уларниң орунбасарлири қилғанлиқини, вуҗудуңларни, қамәтлик, бәстлик қилғанлиқини йад етиңлар, силәр бәхткә еришишиңлар үчүн аллаһниң немәтлирини йад етиңлар[69]. улар: ‹‹(и һуд!) ата ـ бовилиримиз ибадәт қилип келиватқан мәбудларни ташлап, йалғуз бир аллаһқа ибадәт қилишимизға дәвәт қилғили кәлдиңму? әгәр раст сөзлигүчиләрдин болсаң, бизгә вәдә қилған азабни кәлтүргин›› деди[70]. һуд: ‹‹силәргә чоқум пәрвәрдигариңларниң азаби вә ғәзипи назил болиду, силәр өзүңлар вә ата ـ боваңлар ат қойувалған, бу һәқтә (уларға ибадәт қилишқа) аллаһ һечқандақ дәлил назил қилмиған (бутларниң) исимлири үстидә мән билән муназирилишәмсиләр? (аллаһниң азабини) күтүңлар, мәнму һәқиқәтән силәр билән бирликтә (силәргә назил болидиған азабни) күтимән›› деди[71]. биз һудни вә униң билән биллә болғучиларни (йәни мөминләрни) рәһмитимиз билән қутқуздуқ, бизниң айәтлиримизни инкар қилғанларни тәлтөкүс һалак қилдуқ, улар иман ейтмиған иди[72]. сәмудқа уларниң қериндиши салиһни (пәйғәмбәр қилип әвәттуқ). у: «и қәвмим! аллаһқа ибадәт қилиңлар, силәргә аллаһтин башқа һеч мәбуд (бәрһәқ) йоқтур. силәргә һәқиқәтән пәрвәрдигариңлар тәрипидин (мениң пәйғәмбәрликимни испатлайдиған) рошән мөҗизә кәлди, мана бу ـ аллаһ (биваситә) йаратқан чиши төгиму силәргә мениң мөҗизәмдур, уни аллаһниң земиниға қойуветиңлар, ихтийарий отлисун, униңға зийан ـ зәхмәт йәткүзмәңлар, болмиса, силәрни қаттиқ азаб һалак қилиду[73].



مۇناسىۋەتلىك خەۋەرلەر