تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

israiliyening shimalida 5000 yilliq sheher tépildi

israiliyening shimaliy (pelestin zémini) da, tarixiy 5 ming yilliq ikenliki texmin qilighan bir antik sheher bayqaldi.

israiliyening shimalida 5000 yilliq sheher tépildi

türkiye awazi radiyosi xewiri: israiliye asare etiqiler bashqarmisi teripidin élan qilinghan yazma bayanatta, harish shehirige yéqin jaydiki yol yasash xizmetliri jeryanida bayqalghan bu antik sheherning 65 géktar zémin üstige qurulghanliqi we texminen 6000 kishi yashighanliqi bildürüldi.

deslepki tuch dewrige ait dep qariliwatqan bu 5000 yilliq sheherde yollar we mehellilerning pilanliq shekilde yasalghanliqi, ichide ibadetxaniningmu barliqi bildürüldi.

sheher etrapining sépil bilen oralghanliqi, sheher xelqining yéza igilikige we bashqa rayonlar bilen qilghan soda tijaretke tayinip turmushini qamdighanliqi qeyt qilindi.

bu antik sheherning rayonning sheherlishishi heqqide yéngi melumatlarni bergenliki uqturulghan bayanatta yene, «bu jayni <deslepki tuch dewrining niyuyorki> déyishke bolidu. minglighan kishi yashaydighan, köp milletlik we pilanliq bir sheher» déyildi.

sheherni qizish xizmetlirining teximinen ikki yérim dawamlashqanliqi we bu jeryanda insan we haywanlargha ait nadir kichik heykeller, koza, qacha qucha parchiliri we bezi misirdin élip kélingenliki texmin qilinghan her xil üslihelerdin terkip tapqan 4 milyongha yéqin yardikarliqning otturigha chiqirilghanliqi qeyt qilindi.  

 

 


خەتكۈچ: antik sheher , israiliye

مۇناسىۋەتلىك خەۋەرلەر