تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

исраилийәниң шималида 5000 йиллиқ шәһәр тепилди

исраилийәниң шималий (пәләстин земини) да, тарихий 5 миң йиллиқ икәнлики тәхмин қилиған бир антик шәһәр байқалди.

исраилийәниң шималида 5000 йиллиқ шәһәр тепилди

түркийә авази радийоси хәвири: исраилийә асарә әтиқиләр башқармиси тәрипидин елан қилинған йазма байанатта, һариш шәһиригә йеқин җайдики йол йасаш хизмәтлири җәрйанида байқалған бу антик шәһәрниң 65 гектар земин үстигә қурулғанлиқи вә тәхминән 6000 киши йашиғанлиқи билдүрүлди.

дәсләпки туч дәвригә аит дәп қариливатқан бу 5000 йиллиқ шәһәрдә йоллар вә мәһәллиләрниң пиланлиқ шәкилдә йасалғанлиқи, ичидә ибадәтханиниңму барлиқи билдүрүлди.

шәһәр әтрапиниң сепил билән оралғанлиқи, шәһәр хәлқиниң йеза игиликигә вә башқа районлар билән қилған сода тиҗарәткә тайинип турмушини қамдиғанлиқи қәйт қилинди.

бу антик шәһәрниң районниң шәһәрлишиши һәққидә йеңи мәлуматларни бәргәнлики уқтурулған байанатта йәнә, «бу җайни <дәсләпки туч дәвриниң нийуйорки> дейишкә болиду. миңлиған киши йашайдиған, көп милләтлик вә пиланлиқ бир шәһәр» дейилди.

шәһәрни қизиш хизмәтлириниң тәхиминән икки йерим давамлашқанлиқи вә бу җәрйанда инсан вә һайванларға аит надир кичик һәйкәлләр, коза, қача қуча парчилири вә бәзи мисирдин елип келингәнлики тәхмин қилинған һәр хил үслиһәләрдин тәркип тапқан 4 милйонға йеқин йардикарлиқниң оттуриға чиқирилғанлиқи қәйт қилинди.  

 

 



مۇناسىۋەتلىك خەۋەرلەر