xongkongda maska taqash cheklimisige boysunmighan 70 kishi nazaretke élindi

türkiye awazi radiyosi xewiri: karréy lam axbarat élan qilish yighinida, xongkong hökümitining bu mesililerge özi hel qilish charisi tépishi kéreklikini bildürüp, xongkongda ehwal yamanlishiwéridighan bolsa, xitay armiyesining namayishni bésiqturush üchün xongkonggha kérishi mumkinlikini bildürdi.

xitayning xongkong alahide memuriy rayoni waliysi karréy lam, töt aydin buyan dawamlishiwatqan we zorwanliq nisbiti éshiwatqan namayishlarning buningdin kéyinn démokratiye üchün élip bérilghan tinch heriket hésablanmaydighanliqini éytti we diyalogning dawamlishishi terebdari ikenlikini uqturdi.

saqchi mesulliri xongkongda shenbe künidin buyan ijra qilinishqa bashlanghan masqa taqashni cheklesh qanunigha boysunmighan 12 yashtin 41 yashqiche jemiy 70 kishining nazaretke élinghanliqini élan qildi.

saqchilar jüme künidin béri namayishlar jeryanida az dégendimu 200 magzén we hökümet binalirining ziyangha uchrighanliqini bildürdi.

tunugün xongkongdiki namayishta 2 namayshichining maska taqashni cheklesh qanunigha boysunmighanliqi sewebidin nazaretke élinghanliqi we kéyinche kapaletke qoyup bérilgenliki bildürülgen idi. 

xongkong waliysi karréy lam, hökümetning namayishchilargha tutidighan pozitsiyeni téximu qattiq halgha keltürüp, namayshchilarning maska taqishini resmiy chekligen idi.

masqa tashqashni cheklesh qanunini élan qilinishtin ilgiri xongkongda minglighan kishi maska taqap yürüsh qilghan idi.

namayishchilar «maska taqashni xalaymen!» we «maska taqash jinayet emes!» dep shoarlarni towlighan idi.

xongkongda nurghunlighan paliyetchiler we parlamént ezalirining «maska taqashni cheklesh tetür tesir peyda qilidu, héchqandaq ishqa yarimaydu we ijra qilinishimu qéyin» dep qaraydighanliqi bildürülmekte.