toy chorbisi

«toy chorbisi» étish usuli.

toy chorbisi

toy chorbisi

türkiye awazi radiyosi: «öyde chorba bolsa hemme ish köngüldikidek yürüshken bolidu» deydu bir yazghuchi. chorba hem shipaliq hem teyyarlinishi qolay bir taam bolup, tarixi nahayiti uzungha sozulidu. hitit mix menbeliride, insanlarning chorba étidighanliqi؛ bughday, piyaz, kök purchaq qatarliqlarni gösh bilen arilashturup, chorba sheklide istémal qilidighanliqi bilinidu.

melumatlargha qarighanda qedemki dewrdiki girétsiyede kök purchaq we köktat purchiqidin chorba étilidiken. osmanli impériyesining ashxanisidimu chorba hemishe alahide orunda turidiken.

 bügünki pirogrammimizda, osmanli impériyesidin miras qalghan we hazirqi türk taamliri arisida tördin orun alidighan, alahide künlerde, bolupmu toy – tökünlerde étilidighan «toy chorbisi» étish usuli heqqide melumat bérimiz.

«toy chorbisi» étish üchün kéreklik bolghan matériyallar töwendikiche:

  • 500 giram paqlan göshi
  • 6 istakan su (göshni pishurush üchün)
  • 3 qoshuq sériq may
  • ikki qoshuq un
  • tuz
  • 3 qoshuq göshning süyi
  • 3 qoshuq su
  • qarimuch
  • 4 qoshuq qétiq
  • yérim limon
  • bir dane tuxumning sériqi
  • qizilmuch

«toy chorbisi» étish usuli töwendikiche:

  • aldi bilen, göshni 6 istkan suda qayniting, su qaynighandin kéyin otturihal otta pishurung, gösh yaxshi pishqandin kéyin, süzgüch bilen süyini süzüp, bir qachigha éling.
  • göshlerni soghutup, söngekliridin ayring we kichik – kichik qilip toghrang.
  • sériq may bilen unni qazanda yénikkine qorung.
  • göshning süyidin 3 istakan we yene 3 istkan suni ilawe qilip, arilashturghandin kéyin, göshlerni  ilawe qiling.
  • bir qachida qétiq, tuxumning sériqi we limonni arilashturung.
  • chorbining süyidin bir chömüch élip, ichige qoshung.
  • tuzni salghandin kéyin bir qétim qayniting.
  • aldin bashqa bir qazanda éritilgen bir qoshuq sériq maygha qizilmuchni qoshqan we chorbining üstige sepkendin kéyin istémal qilsingiz bolidu.


مۇناسىۋەتلىك خەۋەرلەر