той чорбиси

«той чорбиси» етиш усули.

той чорбиси

той чорбиси

түркийә авази радийоси: «өйдә чорба болса һәммә иш көңүлдикидәк йүрүшкән болиду» дәйду бир йазғучи. чорба һәм шипалиқ һәм тәййарлиниши қолай бир таам болуп, тарихи наһайити узунға созулиду. һитит мих мәнбәлиридә, инсанларниң чорба етидиғанлиқи؛ буғдай, пийаз, көк пурчақ қатарлиқларни гөш билән арилаштуруп, чорба шәклидә истемал қилидиғанлиқи билиниду.

мәлуматларға қариғанда қәдәмки дәврдики гиретсийәдә көк пурчақ вә көктат пурчиқидин чорба етилидикән. османли империйәсиниң ашханисидиму чорба һәмишә алаһидә орунда туридикән.

 бүгүнки пирограммимизда, османли империйәсидин мирас қалған вә һазирқи түрк таамлири арисида төрдин орун алидиған, алаһидә күнләрдә, болупму той – төкүнләрдә етилидиған «той чорбиси» етиш усули һәққидә мәлумат беримиз.

«той чорбиси» етиш үчүн керәклик болған материйаллар төвәндикичә:

  • 500 гирам пақлан гөши
  • 6 истакан су (гөшни пишуруш үчүн)
  • 3 қошуқ сериқ май
  • икки қошуқ ун
  • туз
  • 3 қошуқ гөшниң сүйи
  • 3 қошуқ су
  • қаримуч
  • 4 қошуқ қетиқ
  • йерим лимон
  • бир данә тухумниң сериқи
  • қизилмуч

«той чорбиси» етиш усули төвәндикичә:

  • алди билән, гөшни 6 исткан суда қайнитиң, су қайниғандин кейин оттуриһал отта пишуруң, гөш йахши пишқандин кейин, сүзгүч билән сүйини сүзүп, бир қачиға елиң.
  • гөшләрни соғутуп, сөңәклиридин айриң вә кичик – кичик қилип тоғраң.
  • сериқ май билән унни қазанда йениккинә қоруң.
  • гөшниң сүйидин 3 истакан вә йәнә 3 исткан суни илавә қилип, арилаштурғандин кейин, гөшләрни  илавә қилиң.
  • бир қачида қетиқ, тухумниң сериқи вә лимонни арилаштуруң.
  • чорбиниң сүйидин бир чөмүч елип, ичигә қошуң.
  • тузни салғандин кейин бир қетим қайнитиң.
  • алдин башқа бир қазанда еритилгән бир қошуқ сериқ майға қизилмучни қошқан вә чорбиниң үстигә сәпкәндин кейин истемал қилсиңиз болиду.


مۇناسىۋەتلىك خەۋەرلەر