donald tramp wezipisidin élip tashlash tekshürüshlirige «chong bir saxtipezlik» dep baha berdi

türkiye awazi radiyosi xewiri: donald tramp finlandiye pirézidénti suli ninisto bilen aq saraydiki uchrishishidin kéyin chaqirghan qoshma axbarat élan qilish yighinida, ukraina pirézidénti wiladimir zélénsikiy bilen iyul éyida élip barghan téléfon söhbitining arqidin özige qarita bashlitilghan wezipisidin élip tashlash tekshürliri üstide toxtaldi.

donald tramp awam palatasi istixbarat ishliri bashliqi démokratchi adam sichifning mezkur téléfon söhbitige alaqidar ishpiyon doklatini aldin körgenliki heqqidiki xewerler üstide toxtilip, «bu doklat heqqide sichifning burindinla melumat igilishini bir shermendichilik dep qaraymen. bir qedem téximu ilgiriligen halda <sichif bu doklatni yézishqa özi yardem bergen> dep oylaymen» dédi.

wezipisidin élip tashlash tekshürüshliri heqqide aq saray dairilirining awam palata bilen hemkarlishidighan yaki hemkarlashmaydighanliqi heqqidiki bir soalghimu jawab bérip, «her daim ular bilen hemkarlishiwatimen. bu chong bir saxtipezlik. biraq yenila u saxtipez sichif bilen ishleymen» dédi.

donald tramp finlandiye pirézidénti bilen uchrishishtin ilgirimu ishxanisida özige qarita bashlanghan wezipisini emeldin qaldurush tekshürüshliri heqqide bayanat bergen idi.

ukraina pirézidénti wiladimir zélénsikiy bilen élip barghan téléfon söhbitini doklat qilghan ishpiyonning söhbetni xata yetküzgenlikini ilgiri sürgen donald tramp, «bu kishi méning qarishimche bir jasus» dégen idi.

donald tramp sichifningmu mezkur söhbette özi démigen geplerni oydurup chiqqanliqini bildürüp, «sichif wezipisidin istépa bérishi lazim we démokratchilar uning wetenge asiyliq qilghanliqini nezerde tutushi lazim» dégen idi.