yawropa komitéti xongkongdiki namayish mesilisige dair chaqiriq élan qildi

türkiye awazi radiyosi xewiri: yawropa ittipaqi komitéti bayanatchisi maja kojijanjij kündilik axbarat élan qilish yighinida bergen bayanatida, «xongkong meslisining hel qilish charisi diyalogdur. bu ish jiddiychilikning töwenlitilishi we mötidillikke baghliq. namayish we yürüsh qilish heq – hoquqi xelqara kélishimler dairiside qetiy qoghdilinishi lazim. asasliq kishlik hoquqlargha hörmet qilinishigha zor ehmiyet bérimiz» déyildi.

maja kojijanjij namayishlarning 3 aydin köprek waqittin buyan dawamlishiwatqanliqini eskertip, sotning musteqilliqiningmu intayin muhimliqini tekitlidi.

xongkongdiki namayishlar

xitayning xongkong alahide memuriy rayonidiki namayishlargha seweb bolghan tutqunlarni xitaygha qayturup bérish qanun teklipi, aprél éyida parlaméntqa sunulghan, biraq namayishlar sewebidin xongkong waliysi karry lam iyul éyida qanun teklipining ölgenlikini élan qilghan idi.

«qanun teklipi öldi» dégen bayanatqa qarimastin dawamlashqan keng kölemlik namayishlardin kéyin, waliy karréy lam 4 – sintebirde qanun teklipining pütünley emeldin qaldurulidighanliqini bildürüp, «hökümet xelqning endishilirini pes koygha chüshürüsh üchün qanun teklipini resmiy halda emeldin qalduridighan boldi» dégen idi.

namayishchilar qanun teklipining pütünley emeldin qaldurulishidin bashqa yene, namayishchilargha zorwanliq qilghan saqchilarni tekshürüsh üchün musteqil komitét qurush, tutqun qilinghan namayishchilargha omumiy yüzlük kechürümname élan qilish, namayishlarni «isyan» dep atashni toxtitish we yéngidin siyasiy islahat bashlashni telepni qilmaqta.

namayishlar pat - pat saqchilar bilen namayishchilar yaki xitay hökümitini qollighuchi guruppa otturisidiki toqunushlarghimu sehne bolup kelmekte.