cherkes toxusi

«cherkes toxusi» étish usuli.

cherkes toxusi

cherkes toxusi

türkiye awazi radiyosi: türk taamliri dunyadiki sanaqliq taamlardin biri dések hergizmu ashuruwetken bolmaymiz. chünki türk taamlirigha ottura asiyadin balqan rayonighiche  bolghan köpligen taamlarning tesiri singgen. türklerning ottura asiyadin anadolugha köchüshliri bilen bashlanghan basquch, osmanli impériyesi térrotériyesining ottura sherq we balqan rayonighiche kéngiyishige egiship, köpligen lezzetler we taamlar osmanli impériyesi ashxanilirida yoqilip kétishi bilen axirlashqan. shu wejidin, meyli ishlitilidighan matériyallar jehettin bolsun, meyli pishurush usulliri jehettin bolsun, türk taamliri nahayiti baydur.

anadolu jughrapiyesige köchken oxshimighan milletler we qebililermu yémek - ichmek kültürlirini birlikte élip kélip, türk taamlirining béyishigha hesse qoshqan.  

 bügünki pirogrammimizda, kawkazlarning bir  qebilisi hésablinidighan cherkesler türk taamlirigha qazandurghan  lezzetlik taamlardin biri bolghan, meze süpitide istémal qilishqimu bolidighan, qoshumche yémek süpitidimu istémal qilishqa bolidighan «cherkes toxusi» étish usuli heqqide melumat bérimiz.

«cherkes toxusi» étish üchün kéreklik bolghan matériyallar töwendikiche:

  • bir dane toxu
  • bir dane quruq piyaz
  • bir dane sewze
  • 5 – 6 dane yumghaqsüt
  • bir baghlam kerepshe
  • tuz
  • qarimuch

«cherkes toxusi» étish üchün:

  • 250 giram yangaq méghizi
  • 4 – 5 tilim nan
  • ikki chish samsaq
  • bir tatliq qoshuqi qizilmuch
  • ikki istakan toxu süyi

«cherkes toxusi» étish usuli töwendikiche:

  • aldi bilen, piyaz, sewze, yumghaqsüt, kerepshe, tuz we qizilmuch qatarliqlar ilawe qilinghan suda toxu göshini taki yumshighangha qeder qayniting, andin toxu göshini sudin chiqiring, soghughandin kéyin térisini soyung we söngengliridin ayring.
  • yaghaq méghizini hawanchida soqung.
  • nanni toxu süyide yumshatqandin kéyin, süyini siqing, yangaqqa ilawe qiling. andin mukemmel bir arilashmigha aylanghangha qeder arilashturung we ézilgen samsaq bilen tuzni ilawe qiling.
  • yérim istakan iliq toxu süyini ilawe qilip, arilashmini soyuqlashturung.
  • toxu göshini kichik parchilar halitide qachigha qoyup, üstige yaghang méghizidin yasalghan qiyamni tökkendin kéyin, toxu göshige yégüzüng.
  • bir qoshuqning tetür teripi bilen üsti we etrapini tüziting.
  • üstini qizilmuch bilen bézigendin kéyin, soghuq yaki iliq halette istémal qilsingiz bolidu.


مۇناسىۋەتلىك خەۋەرلەر