чәркәс тохуси

«чәркәс тохуси» етиш усули.

чәркәс тохуси

чәркәс тохуси

түркийә авази радийоси: түрк таамлири дунйадики санақлиқ таамлардин бири десәк һәргизму ашурувәткән болмаймиз. чүнки түрк таамлириға оттура асийадин балқан райониғичә  болған көплигән таамларниң тәсири сиңгән. түркләрниң оттура асийадин анадолуға көчүшлири билән башланған басқуч, османли империйәси терротерийәсиниң оттура шәрқ вә балқан райониғичә кеңийишигә әгишип, көплигән ләззәтләр вә таамлар османли империйәси ашханилирида йоқилип кетиши билән ахирлашқан. шу вәҗидин, мәйли ишлитилидиған материйаллар җәһәттин болсун, мәйли пишуруш усуллири җәһәттин болсун, түрк таамлири наһайити байдур.

анадолу җуғрапийәсигә көчкән охшимиған милләтләр вә қәбилиләрму йемәк - ичмәк күлтүрлирини бирликтә елип келип, түрк таамлириниң бейишиға һәссә қошқан.  

 бүгүнки пирограммимизда, кавказларниң бир  қәбилиси һесаблинидиған чәркәсләр түрк таамлириға қазандурған  ләззәтлик таамлардин бири болған, мәзә сүпитидә истемал қилишқиму болидиған, қошумчә йемәк сүпитидиму истемал қилишқа болидиған «чәркәс тохуси» етиш усули һәққидә мәлумат беримиз.

«чәркәс тохуси» етиш үчүн керәклик болған материйаллар төвәндикичә:

  • бир данә тоху
  • бир данә қуруқ пийаз
  • бир данә сәвзә
  • 5 – 6 данә йумғақсүт
  • бир бағлам кәрәпшә
  • туз
  • қаримуч

«чәркәс тохуси» етиш үчүн:

  • 250 гирам йаңақ меғизи
  • 4 – 5 тилим нан
  • икки чиш самсақ
  • бир татлиқ қошуқи қизилмуч
  • икки истакан тоху сүйи

«чәркәс тохуси» етиш усули төвәндикичә:

  • алди билән, пийаз, сәвзә, йумғақсүт, кәрәпшә, туз вә қизилмуч қатарлиқлар илавә қилинған суда тоху гөшини таки йумшиғанға қәдәр қайнитиң, андин тоху гөшини судин чиқириң, соғуғандин кейин терисини сойуң вә сөңәңлиридин айриң.
  • йағақ меғизини һаванчида соқуң.
  • нанни тоху сүйидә йумшатқандин кейин, сүйини сиқиң, йаңаққа илавә қилиң. андин мукәммәл бир арилашмиға айланғанға қәдәр арилаштуруң вә езилгән самсақ билән тузни илавә қилиң.
  • йерим истакан илиқ тоху сүйини илавә қилип, арилашмини сойуқлаштуруң.
  • тоху гөшини кичик парчилар һалитидә қачиға қойуп, үстигә йағаң меғизидин йасалған қийамни төккәндин кейин, тоху гөшигә йегүзүң.
  • бир қошуқниң тәтүр тәрипи билән үсти вә әтрапини түзитиң.
  • үстини қизилмуч билән безигәндин кейин, соғуқ йаки илиқ һаләттә истемал қилсиңиз болиду.


مۇناسىۋەتلىك خەۋەرلەر