пәрвәрдигариңлар тәрипидин силәргә назил қилинған қуранға әгишиңлар

аллаһни қойуп, (җинлардин вә инсанлардин болған, силәрни аздуридиған) достларға әгәшмәңлар, силәр вәз ـ нәсиһәтни аз қобул қилисиләр.

пәрвәрдигариңлар тәрипидин силәргә назил қилинған қуранға әгишиңлар

пәрвәрдигариңлар тәрипидин силәргә назил қилинған қуранға әгишиңлар

түркийә авази радийоси: әраф сүриси, 1 – 1 – айәтләр. наһайити шәпқәтлик вә меһрибан аллаһниң исми билән башлаймән.

әлиф, лам, мим, сад[1]. (и муһәммәд! капирларни) агаһландурушуң үчүн, мөминләргә вәз ـ нәсиһәт қилишиң үчүн, бу китаб (йәни қуран) саңа назил қилинди, униңдин (йәни уни тәблиғ қилишта қәвмиңниң уни инкар қилишидин әнсирәп) йүрикиң сиқилмисун[2]. (и инсанлар!) силәр пәрвәрдигариңлар тәрипидин силәргә назил қилинған китабқа (йәни қуранға) әгишиңлар, аллаһни қойуп, (җинлардин вә инсанлардин болған, силәрни аздуридиған) достларға әгәшмәңлар, силәр вәз ـ нәсиһәтни аз қобул қилисиләр[3]. биз нурғун шәһәр (аһалиси) ни һалак қилдуқ, бизниң азабимиз уларға кечиси йаки чүшлүки ухлаватқан чағлирида кәлди[4]. бизниң азабимиз кәлгән чағда, уларниң чәккән пәрйади: биз һәқиқәтән залим идуқ, дейиштинла ибарәт болди[5]. биз әлвәттә пәйғәмбәр әвәтилгән үммәтләрдин (пәйғәмбәрләр тәблиғ қилдиму? силәр қандақ җаваб бәрдиңлар? дәп) сораймиз, пәйғәмбәрләрдинму әлвәттә (аллаһ тапшурған вәзипини ада қилдиңларму? дәп) сораймиз[6]. (қийамәт күни уларниң әһвалини) уларға һәқиқий билиш асасида ейтип беримиз, биз улардин айрилмиған идуқ (йәни уларниң һәммә әһвалидин хәвәрдардурмиз)[7]. бу күндә бәндиләрниң (йахши йаман әмәллириниң) өлчинидиғанлиқи һәқтур. йахши әмәллири еғир чиққанлар ниҗат тапқучилардур[8]. йахши әмәллири йеник чиққанлар бизниң айәтлиримизни инкар қилғанлиқлири түпәйлидин өзлиригә зийан салғучилардур[9]. шүбһисизки, силәрни земинда йәрләштүрдуқ, земинда силәргә турмуш лазимәтликлирини пәйда қилдуқ, (силәргә пәрвәрдигариңларниң мушундақ немәтлири бар туруқлуқ униңға) наһайити аз шүкүр қилисиләр[10]. шүбһисизки биз силәрни йараттуқ, андин силәрни шәкилгә киргүздуқ, андин пәриштиләргә: «силәр адәмгә (һөрмәт билдүрүш йүзисидин) сәҗдә қилиңлар›› дедуқ, иблистин башқиси сәҗдә қилди. у сәҗдә қилғучилардин болмиди[11].



مۇناسىۋەتلىك خەۋەرلەر