paqlan göshi bilen étilidighan köktatliq güwech

«paqlan göshi bilen étilidighan köktatliq güwech» étish usuli.

paqlan göshi bilen étilidighan köktatliq güwech

paqlan göshi bilen étilidighan köktatliq güwech

türkiye awazi radiyosi: türk tilida «pishqan tupraqtin yasilidighan qazanmu, shu qazanda pishurulidighan taammu «güwech» dep atilidu. her türlük gösh, köktat, yaki purchaq güwechte pishurulidu. güwechning ichige sélinidighan matériyallar enene jehettin doxupkida pishurulghinidek, tok ochaqta, yaki biwasite güwechning üstidimu pishurulidu. némide pishursingiz pishurung, diqqet qilishingizgha tégishlik nuqta, güwech ichidiki taamlarning normaldikidin uzunraq pishurulidighanliqidur.  buning sewebi bolsa, tupraqtin yasalghan qazanlarning hem kéchikip qizishi  hem kéchikip soghushidur. güwechte pishurulidighan taamlarning lezzetlik bolushining sirimu del mushudur.

bügünki pirogrammimizda, lezzetlik türk taamliridin biri bolghan, «paqlan göshi bilen étilidighan köktatliq güwech» étish usuli heqqide melumat bérimiz.

«paqlan göshi bilen étilidighan köktatliq güwech»  étish üchün kéreklik bolghan matériyallar töwendikiche:

  • 700 giram paqlan göshi
  • ikki dane otturihal chongluqtiki quruq piyaz
  • 4 dane kökmuch
  • 4 dane pemidur
  • ikki dane pédigen
  • 3 dane otturihal chongluqtiki berengge
  • bir dane otturihal chongluqtiki sewze
  • bir dane otturihal chongluqtiki chaqma kawa
  • bir qoshuq pemidur qiyami
  • 3 chish samsaq
  • bir tatliq qoshuqi quruq chöl reyhini
  • bir chay qoshuqi qarimuch
  • muwapiq miqdarda tuz
  • yérim istakan zeytun yéghi

«paqlan göshi bilen étilidighan köktatliq güwech» étish usuli töwendikiche:

  • aldi bilen, güchewning ichini yaghlang, xalisingiz güwechni bir dane samsaq bilen uwilisingizmu bolidu. chünki, bundaq bolghanda, taam téximu lezzetlik bolidu.
  • güwechning eng töwen bölümige göshlerni retlik orunlashturung.
  • quruq piyazlarni halqa sheklide toghrap, göshlerning üstige qoyung. uning üstige bolsa, toghralghan kökmuchlarni yerleshtürüng.
  • pédigenlarni, chaqma kawini we pemidurlarni gösh bilen oxshash chongluqta toghrang.
  • muchlarning üstige nöwet bilen awwal pemidurlarni, andin pédigenlarni, axirida chaqma kawilarni orunlashturung.
  • güwechning eng üstige halqa sheklide toghralghan pemidurlarni orunlashturung.
  • pemidur qiyamini biraz su bilen arilashturghandin kéyin, ichige qarimuch, tuz, chöl reyhini we zeytun yéghini ilawe qiling. andin arilashturung.
  • qiyamni taamning üstige töküp, güwechni doxupkining üstige orunlashturung we töwen sewiyediki otta bir yérim saet pishurung.  göshlük güwech tamiqi pishqandin kéyin, issiq halette istémal qilsingiz bolidu.


مۇناسىۋەتلىك خەۋەرلەر