пақлан гөши билән етилидиған көктатлиқ гүвәч

түркийә авази радийоси: түрк тилида «пишқан тупрақтин йасилидиған қазанму, шу қазанда пишурулидиған таамму «гүвәч» дәп атилиду. һәр түрлүк гөш, көктат, йаки пурчақ гүвәчтә пишурулиду. гүвәчниң ичигә селинидиған материйаллар әнәнә җәһәттин дохупкида пишурулғинидәк, ток очақта, йаки биваситә гүвәчниң үстидиму пишурулиду. немидә пишурсиңиз пишуруң, диққәт қилишиңизға тегишлик нуқта, гүвәч ичидики таамларниң нормалдикидин узунрақ пишурулидиғанлиқидур.  буниң сәвәби болса, тупрақтин йасалған қазанларниң һәм кечикип қизиши  һәм кечикип соғушидур. гүвәчтә пишурулидиған таамларниң ләззәтлик болушиниң сириму дәл мушудур.

бүгүнки пирограммимизда, ләззәтлик түрк таамлиридин бири болған, «пақлан гөши билән етилидиған көктатлиқ гүвәч» етиш усули һәққидә мәлумат беримиз.

«пақлан гөши билән етилидиған көктатлиқ гүвәч»  етиш үчүн керәклик болған материйаллар төвәндикичә:

• 700 гирам пақлан гөши
• икки данә оттуриһал чоңлуқтики қуруқ пийаз
• 4 данә көкмуч
• 4 данә пәмидур
• икки данә педигән
• 3 данә оттуриһал чоңлуқтики бәрәңгә
• бир данә оттуриһал чоңлуқтики сәвзә
• бир данә оттуриһал чоңлуқтики чақма кава
• бир қошуқ пәмидур қийами
• 3 чиш самсақ
• бир татлиқ қошуқи қуруқ чөл рәйһини
• бир чай қошуқи қаримуч
• мувапиқ миқдарда туз
• йерим истакан зәйтун йеғи

«пақлан гөши билән етилидиған көктатлиқ гүвәч» етиш усули төвәндикичә:

• алди билән, гүчәвниң ичини йағлаң, халисиңиз гүвәчни бир данә самсақ билән увилисиңизму болиду. чүнки, бундақ болғанда, таам техиму ләззәтлик болиду.
• гүвәчниң әң төвән бөлүмигә гөшләрни рәтлик орунлаштуруң.
• қуруқ пийазларни һалқа шәклидә тоғрап, гөшләрниң үстигә қойуң. униң үстигә болса, тоғралған көкмучларни йәрләштүрүң.
• педигәнларни, чақма кавини вә пәмидурларни гөш билән охшаш чоңлуқта тоғраң.
• мучларниң үстигә нөвәт билән аввал пәмидурларни, андин педигәнларни, ахирида чақма кавиларни орунлаштуруң.
• гүвәчниң әң үстигә һалқа шәклидә тоғралған пәмидурларни орунлаштуруң.
• пәмидур қийамини бираз су билән арилаштурғандин кейин, ичигә қаримуч, туз, чөл рәйһини вә зәйтун йеғини илавә қилиң. андин арилаштуруң.
• қийамни таамниң үстигә төкүп, гүвәчни дохупкиниң үстигә орунлаштуруң вә төвән сәвийәдики отта бир йерим саәт пишуруң.  гөшлүк гүвәч тамиқи пишқандин кейин, иссиқ һаләттә истемал қилсиңиз болиду.