pédigenlik polo

«pédigenlik polo» étish usuli.

pédigenlik polo

pédigenlik polo

türkiye awazi radiyosi: türk taamliri arisida kem bolsa zadi bolmaydighan tamaqlardin biri polodur.türk taamliri arisida, süyüq-seleng taamlar we kawaplardin sirt yene,  polomu daim dégüdek közimizge chéliqidu. gürüch, bulghur yaki her xil makarnalar arqiliq étilidighan, dora-dermanlar bilen, gösh bilen, purchaq bilen, yaki méwe – chéwiler bilen lezzetlendürülidighan polo, osmanli impériyesining eng asasliq taamliridin biri idi. jümlidin, osmanli impériyesi sariyining ashxanisida mexsus polo étidighan ashpezler bar idi. bu ashpezler poloni serxillashturush üchün gürüch yaki bulghurni her xil matériyallar bilen birlikte ishlitetti. XVI – esirde osmanli impériyesining ashxanilirida, göshlük, kapustiliq, méwe – chiwilik, samsaqliq, quruq üzümlük we qizilmuchluq pololarning étilidighanliqini, yel – yémish we quruq méwe – chiwilerning qorulup, pishqan poloning üstige tökülidighanliqini éytsaq, meqsitimizni téximu yaxshi chüshendürelishimiz mumkin. bügünki pirogrammimizda, gürüch ishlitilip we pédigen bilen lezzetlendürülüp étilidighan, «pédigenlik polo» étish usuli heqqide melumat bérimiz.

« pédigenlik polo» étish üchün kéreklik bolghan matériyallar töwendikiche:

  • 1 yérim istakan gürüch
  • 2 – 3 dane pédigen
  • bir dane ushshaq toghralghan piyaz
  • bir dane rendilengen pemidur
  • bir istakan zeytun yéghi
  • ikki istakan su
  • ikki tatliq qoshuqi tuz
  • bir chay qoshuqi qarimuch
  • ikki tatliq qoshuqi shéker
  • bir tatliq qoshuqi piménta
  • bir tatliq qoshuqi pinne
  • bir chay qoshuqi darchin

«pédigenlik polo» étish usuli töwendikiche:

  • aldi bilen, bir qachigha gürüchni qoyung, andin, üstini yögeydighan shekilde issiq su we tuz ilawe qilip, 30 minut qoyup qoyung, arqidin, soghuq suda birqanche qétim yuyung we süzülüshini kütüng.
  • bu ariliqta, pédigenlerni sépidin töwenge qarap siziqliq halitide soyung we qent sheklide toghrang.
  • qizarghan chaghda yaghni emmesliki üchün, yérim saet tuzluq suda qoyup qoyung.
  • andin, sudin chiqirip, yaxshi yuyup, qurutqandin kéyin, 2 – 3 istakan zeytun yéghida qiziting.
  • zeytun yéghining qalghan qismini bir qazangha qoyup, issiting.
  • rendilengen piyazlarni ilawe qiling we piyazlar taki  yumshighangha qeder qorung.
  • rendilengen pemidurlarni piyazlargha ilawe qilip, qorushni dawamlashturung.
  • ikki istakan su, tuz, shéker, qarimuch, piménta, pinne we darchin qatarliqlarni ilawe qiling.
  • su qaynighan haman süzülgen gürüchlernimu ilawe qiling.
  • bir qétim arilashturghandin kéyin, üstige pédigenlarni yéying.
  • qazanning tuwiqini yapqandin kéyin, aldi bilen, yuqiri sewiyelik otta, su qaynighandin kéyin bolsa asta otta, taki gürüch suni emgenge qeder pishurung. qazanni ochaqtin alghandin kéyin, qazanning tuwiqi yépiq halette 15 – 20 minuttek dem yatquzung. yaghach chömüch bilen polo (bilen bashqa matériyallar) ni arilashturghandin kéyin, istémal qilsingiz bolidu.


مۇناسىۋەتلىك خەۋەرلەر