педигәнлик поло

«педигәнлик поло» етиш усули.

педигәнлик поло

педигәнлик поло

түркийә авази радийоси: түрк таамлири арисида кәм болса зади болмайдиған тамақлардин бири полодур.түрк таамлири арисида, сүйүқ-сәләң таамлар вә каваплардин сирт йәнә,  полому даим дегүдәк көзимизгә челиқиду. гүрүч, булғур йаки һәр хил макарналар арқилиқ етилидиған, дора-дәрманлар билән, гөш билән, пурчақ билән, йаки мевә – чевиләр билән ләззәтләндүрүлидиған поло, османли империйәсиниң әң асаслиқ таамлиридин бири иди. җүмлидин, османли империйәси сарийиниң ашханисида мәхсус поло етидиған ашпәзләр бар иди. бу ашпәзләр полони сәрхиллаштуруш үчүн гүрүч йаки булғурни һәр хил материйаллар билән бирликтә ишлитәтти. XVI – әсирдә османли империйәсиниң ашханилирида, гөшлүк, капустилиқ, мевә – чивилик, самсақлиқ, қуруқ үзүмлүк вә қизилмучлуқ пололарниң етилидиғанлиқини, йәл – йемиш вә қуруқ мевә – чивиләрниң қорулуп, пишқан полониң үстигә төкүлидиғанлиқини ейтсақ, мәқситимизни техиму йахши чүшәндүрәлишимиз мумкин. бүгүнки пирограммимизда, гүрүч ишлитилип вә педигән билән ләззәтләндүрүлүп етилидиған, «педигәнлик поло» етиш усули һәққидә мәлумат беримиз.

« педигәнлик поло» етиш үчүн керәклик болған материйаллар төвәндикичә:

  • 1 йерим истакан гүрүч
  • 2 – 3 данә педигән
  • бир данә ушшақ тоғралған пийаз
  • бир данә рәндиләнгән пәмидур
  • бир истакан зәйтун йеғи
  • икки истакан су
  • икки татлиқ қошуқи туз
  • бир чай қошуқи қаримуч
  • икки татлиқ қошуқи шекәр
  • бир татлиқ қошуқи пимента
  • бир татлиқ қошуқи пиннә
  • бир чай қошуқи дарчин

«педигәнлик поло» етиш усули төвәндикичә:

  • алди билән, бир қачиға гүрүчни қойуң, андин, үстини йөгәйдиған шәкилдә иссиқ су вә туз илавә қилип, 30 минут қойуп қойуң, арқидин, соғуқ суда бирқанчә қетим йуйуң вә сүзүлүшини күтүң.
  • бу арилиқта, педигәнләрни сепидин төвәнгә қарап сизиқлиқ һалитидә сойуң вә қәнт шәклидә тоғраң.
  • қизарған чағда йағни әммәслики үчүн, йерим саәт тузлуқ суда қойуп қойуң.
  • андин, судин чиқирип, йахши йуйуп, қурутқандин кейин, 2 – 3 истакан зәйтун йеғида қизитиң.
  • зәйтун йеғиниң қалған қисмини бир қазанға қойуп, исситиң.
  • рәндиләнгән пийазларни илавә қилиң вә пийазлар таки  йумшиғанға қәдәр қоруң.
  • рәндиләнгән пәмидурларни пийазларға илавә қилип, қорушни давамлаштуруң.
  • икки истакан су, туз, шекәр, қаримуч, пимента, пиннә вә дарчин қатарлиқларни илавә қилиң.
  • су қайниған һаман сүзүлгән гүрүчләрниму илавә қилиң.
  • бир қетим арилаштурғандин кейин, үстигә педигәнларни йейиң.
  • қазанниң тувиқини йапқандин кейин, алди билән, йуқири сәвийәлик отта, су қайниғандин кейин болса аста отта, таки гүрүч суни әмгәнгә қәдәр пишуруң. қазанни очақтин алғандин кейин, қазанниң тувиқи йепиқ һаләттә 15 – 20 минуттәк дәм йатқузуң. йағач чөмүч билән поло (билән башқа материйаллар) ни арилаштурғандин кейин, истемал қилсиңиз болиду.


مۇناسىۋەتلىك خەۋەرلەر