пәрвәрдигариңлар (қилмишиңлар үчүн, силәрни алдирап җазалимиғанлиқтин) кәң рәһмәт игисидур

(аллаһниң рәһмитигә мәғрур болмаңларки) аллаһниң азаби гунаһкар қәвмдин қайтурулмайду.

пәрвәрдигариңлар (қилмишиңлар үчүн, силәрни алдирап җазалимиғанлиқтин) кәң рәһмәт игисидур

пәрвәрдигариңлар (қилмишиңлар үчүн, силәрни алдирап җазалимиғанлиқтин) кәң рәһмәт игисидур

түркийә авази радийоси: әнам сүриси, 147 – 151 - айәтләр (и муһәммәд!) әгәр улар (йәни йәһудийлар) сени инкар қилса, сән: «пәрвәрдигариңлар (қилмишиңлар үчүн, силәрни алдирап җазалимиғанлиқтин) кәң рәһмәт игисидур, (аллаһниң рәһмитигә мәғрур болмаңларки) аллаһниң азаби гунаһкар қәвмдин қайтурулмайду» дегин[147]. мушриклар: «әгәр аллаһ халиса иди, биз вә ата ـ бовилиримиз шерик кәлтүрмәйттуқ вә һеч нәрсини һарам қилмайттуқ» дәйду. улардин бурунқи кишиләр таки (бизниң азабимиз назил болуп) азабимизни тетиғанға қәдәр (өзлириниң пәйғәмбәрлирини) мушундақ (йәни мушриклар сени инкар қилғандәк) инкар қилған иди. (уларға) ейтқинки, «сөзүңларниң растлиқиға пакитиңлар болса, бизгә чиқирип көрситиңлар, силәр пәқәт гуманғила асаслинисиләр, аллаһқа пәқәт йалғанни чаплайсиләр»[148]. (и муһәммәд!) ейтқинки, «(силәрниң пакитиңлар болмиса) аллаһниң ениқ пакити бар, әгәр у халиса һәммиңларни, әлвәттә, һидайәт қилатти»[149]. (и муһәммәд! уларға) «аллаһ буни һарам қилди, дәп гуваһлиқ беридиған гуваһчилириңларни чақирип келиңлар» дегин, әгәр улар (һазир болуп йалғандин) гуваһлиқ бәрсә, уларға қошулуп гуваһлиқ бәрмигин (чүнки у пүтүнләй йалғандур). бизниң айәтлиримизни инкар қилған вә ахирәткә ишәнмәйдиғанларниң нәпси хаһишлириға әгәшмигин, улар пәрвәрдигариңға шерик кәлтүриду[150]. ейтқинки, «силәр келип (аңлаңлар), аллаһ һарам қилған нәрсиләрни силәргә оқуп берәй: силәр аллаһқа һеч нәрсини шерик кәлтүрмәңлар, ата ـ анаңларға йахшилиқ қилиңлар, намратлиқтин қорқуп балаңларни өлтүрмәңлар, биз уларға вә силәргә ризиқ беримиз, ашкара вә йошурун йаман ишларға йеқин кәлмәңлар, аллаһниң әмригә хилаплиқ қилип (наһәқ) адәм өлтүрмәңлар, һәқлиқ рәвиштә өлтүрүш буниңдин мустәсна. силәрниң чүшинишиңлар үчүн, аллаһ силәргә бу ишларни тәвсийә қилиду[151].



مۇناسىۋەتلىك خەۋەرلەر