zeytun yéghiliq fasulye

«zeytun yéghiliq fasulye» étish usuli .

zeytun yéghiliq fasulye

zeytun yéghiliq fasulye

türkiye awazi radiyosi: türk taamliri arisida zeytun yéghi bilen étilidighan  we adette qiziq halette istémal qilinidighan barliq taamlar «zeytun yéghiliq taamlar» dep atilidu. yeni bu isim tamaqning qaysi yagh bilen étilgenlikini emes, eksiche shu tamaqning türini bildüridu. barliq taamlarni étishte dégüdek zeytun yéghi ishlitilidu. bolupmu, hawa issiq künlerde zeytun yéghi bilen étilidighan taamlar, asasliq yémeklerdinmu bekrek qoshumche tamaq, yaki meze süpitide istémal qilinidu. bügünki pirogrammimizda, «zeytun yéghiliq fasulye» étish usuli heqqide melumat bérimiz.

«zeytun yéghiliq fasulye» étish üchün kéreklik bolghan matériyallar töwendikiche:

  • yérim kilogiram fasulye
  • 2 dane ottura hal chongluqtiki ushshaq toghralghan piyaz
  • 4 dane ottura hal chongluqtiki rendilengen pemidur
  • yérim istakan zeytun yéghi
  • 2 – 3 chish samsaq
  • yérim istakan su
  • shéker
  • tuz

«zeytun yéghiliq fasulye» étish usuli töwendikiche:

  • aldi bilen, fasulyeni yuyung, andin, pichaqning yardimi bilen üsti tereplirini, eger qiltiriqliri bar bolsa, éliwétip, ikki parchigha bölüng.
  • qazanning asti teripige biraz piyaz qoyung, üstige fasulyening bir qismini ilawe qiling.
  • fasulyening üstige rendilengen pemidurni orunlashturung.
  • tekrar üstige piyazni, piyazning üstige fasulyeni ilawe qiling.
  • piyaz bilen fasulyeni mushu yosunda qazangha orunlashturung.
  • eng üstige ushshaq toghralghan samsaq, shéker we tuzni ilawe qiling.
  • yérim istakan suni tamaqning üstige tökkendin kéyin, qazanning tuwiqini yéping we otni peseytip, 20 – 30 minuttek pishurung.
  • fasulyeni yumshighandin kéyin, qiziq halette yaki soghughandin kéyin istémal qilsingiz bolidu.


مۇناسىۋەتلىك خەۋەرلەر