bügün «qurban héyt» ning birinchi küni

qurban héytinglargha mubarek bolsun!

bügün «qurban héyt» ning birinchi küni

türkiye awazi radiyosi xewiri: bügün musulmanlar dunyasi bolush süpitimiz bilen qurban héytni tebriklewatimiz. ibrahim eleyhissalamgha oghli ismail eleyhissalamni qurbanliq qilishning ornigha janabiy allah teripidin ewetilgen qoyning qurbanliq qilinishidin kéyin, «qurbanliq qilish» enenisi insaniyet tarixiidin menggülük orun aldi.

allah taalaning raziliqigha érishish meqsitide qurbanliq qilish enenisi bizge nisbeten nahayiti zor ehmiyetke ige. halal pul bilen sétiwélinghan mallar bügün gunahlargha keffaret bolushi meqsitide qurbanliq qilinidu. xalighan kishiler qurban héytning bashqa künliride qurbanliq qilsimu bolidu. qurbanliq göshlirining bir qismi öy xelqige, bir qismi péqirlargha, yene bir qismi bolsa öyge héytlap kelgen méhmanlargha ikram qilinish üchün ayrilidu.

qurban héytta chonglar ziyaret qilinidu, balilarning köngli xush qilinidu.

pütkül dunyadiki bizni chongqur ghem - qayghu we derd - elem déngizigha chömdürwatqan toqunushlar, qetliamlar, zulum – sitemler, kin we nepretlerning «qurban héyt» munasiwiti bilen axirlishishi ümidi bilen qurban héytimizni qizghin tebrikleymiz.



مۇناسىۋەتلىك خەۋەرلەر