бүгүн «қурбан һейт» ниң биринчи күни

қурбан һейтиңларға мубарәк болсун!

бүгүн «қурбан һейт» ниң биринчи күни

түркийә авази радийоси хәвири: бүгүн мусулманлар дунйаси болуш сүпитимиз билән қурбан һейтни тәбрикләватимиз. ибраһим әләйһиссаламға оғли исмаил әләйһиссаламни қурбанлиқ қилишниң орниға җанабий аллаһ тәрипидин әвәтилгән қойниң қурбанлиқ қилинишидин кейин, «қурбанлиқ қилиш» әнәниси инсанийәт тарихиидин мәңгүлүк орун алди.

аллаһ тааланиң разилиқиға еришиш мәқситидә қурбанлиқ қилиш әнәниси бизгә нисбәтән наһайити зор әһмийәткә игә. һалал пул билән сетивелинған маллар бүгүн гунаһларға кәффарәт болуши мәқситидә қурбанлиқ қилиниду. халиған кишиләр қурбан һейтниң башқа күнлиридә қурбанлиқ қилсиму болиду. қурбанлиқ гөшлириниң бир қисми өй хәлқигә, бир қисми пеқирларға, йәнә бир қисми болса өйгә һейтлап кәлгән меһманларға икрам қилиниш үчүн айрилиду.

қурбан һейтта чоңлар зийарәт қилиниду, балиларниң көңли хуш қилиниду.

пүткүл дунйадики бизни чоңқур ғәм - қайғу вә дәрд - әләм деңизиға чөмдүрватқан тоқунушлар, қәтлиамлар, зулум – ситәмләр, кин вә нәпрәтләрниң «қурбан һейт» мунасивити билән ахирлишиши үмиди билән қурбан һейтимизни қизғин тәбрикләймиз.



مۇناسىۋەتلىك خەۋەرلەر