gül sherbiti

«gül sherbiti» teyyarlash usuli.

gül sherbiti

gül sherbiti

türkiye awazi radiyosi: tarixi nahayiti uzungha sozulidighan türk taamlirigha ait ichimlik türidin biri «sherbet» tur. sherbet adette ösümlük, gül we méwilerdin teyyarlinidu, bezide dora – dermanlar bilen lezzetlendürülüp, shéker yaki hesel bilen temlik halgha keltürülidu. 16 – esirning otturilidin bashlap osmanli impériyeside altundek dewrini bashtin kechürgen sherbet, qisqa waqit ichide gherb elliriningmu diqqitini qozghighan. 17 – esirdin étibaren limonluq, güllük, binepshilik sherbetler engliyege éksport qilinishqa bashlighan. yene 17 – esirde italiyede bundaq sherbetlerdin mméwilik marozhnilar teyyarlanghan. shuning bilen, meshhur «italiye sorbéttosi» dunyagha kelgen. nöwette ingilizche we firansuzchida méwilik marozhna «sorbét» dep atilidu. bu bolsa türkchidiki «sherbet» ning buzulghan sheklidur. bügünki pirogrammimizda, öz waqtida yawropada dang chiqarghan «gül sherbiti» teyyarlash usuli heqqide melumat bérimiz.

«gül sherbiti» teyyarlash üchün kéreklik bolghan matériyallar töwendikiche:

  • 50 giram xush puraqliq gül yapriqi
  • yérim istakan limon süyi
  • bir istakan shéker
  • 5 istakan su

 

  • «gül sherbiti» teyyarlash usuli töwendikiche:
  • aldi bilen, gül yapraqlirining tégidiki aq qisimlirini éliwéting, andin  gül yapraqlirini bir qachigha qoyung, arqidin limon süyini ilawe qiling.
  • gül yapraqlirini qolingiz bilen uwilighandin kéyin, yérim saet saqliting.
  • su bilen shékerni bir qétim qaynatqandin kéyin, biraz suwushini kütüng.
  • illiq halgha kelgen shékerlik suni güller qoyulghan qachigha töküng.
  • arilashmini 10 saet tonglatquda qoyghandin kéyin, istémal qilsingiz bolidu.


مۇناسىۋەتلىك خەۋەرلەر