гүл шәрбити

«гүл шәрбити» тәййарлаш усули.

гүл шәрбити

гүл шәрбити

түркийә авази радийоси: тарихи наһайити узунға созулидиған түрк таамлириға аит ичимлик түридин бири «шәрбәт» тур. шәрбәт адәттә өсүмлүк, гүл вә мевиләрдин тәййарлиниду, бәзидә дора – дәрманлар билән ләззәтләндүрүлүп, шекәр йаки һәсәл билән тәмлик һалға кәлтүрүлиду. 16 – әсирниң оттурилидин башлап османли империйәсидә алтундәк дәврини баштин кәчүргән шәрбәт, қисқа вақит ичидә ғәрб әллириниңму диққитини қозғиған. 17 – әсирдин етибарән лимонлуқ, гүллүк, бинәпшилик шәрбәтләр әнглийәгә експорт қилинишқа башлиған. йәнә 17 – әсирдә италийәдә бундақ шәрбәтләрдин ммевилик марожнилар тәййарланған. шуниң билән, мәшһур «италийә сорбеттоси» дунйаға кәлгән. нөвәттә ингилизчә вә фирансузчида мевилик марожна «сорбет» дәп атилиду. бу болса түркчидики «шәрбәт» ниң бузулған шәклидур. бүгүнки пирограммимизда, өз вақтида йавропада даң чиқарған «гүл шәрбити» тәййарлаш усули һәққидә мәлумат беримиз.

«гүл шәрбити» тәййарлаш үчүн керәклик болған материйаллар төвәндикичә:

  • 50 гирам хуш пурақлиқ гүл йаприқи
  • йерим истакан лимон сүйи
  • бир истакан шекәр
  • 5 истакан су

 

  • «гүл шәрбити» тәййарлаш усули төвәндикичә:
  • алди билән, гүл йапрақлириниң тегидики ақ қисимлирини еливетиң, андин  гүл йапрақлирини бир қачиға қойуң, арқидин лимон сүйини илавә қилиң.
  • гүл йапрақлирини қолиңиз билән увилиғандин кейин, йерим саәт сақлитиң.
  • су билән шекәрни бир қетим қайнатқандин кейин, бираз сувушини күтүң.
  • иллиқ һалға кәлгән шекәрлик суни гүлләр қойулған қачиға төкүң.
  • арилашмини 10 саәт тоңлатқуда қойғандин кейин, истемал қилсиңиз болиду.


مۇناسىۋەتلىك خەۋەرلەر