imam bayildi

türkiye awazi radiyosi: türk taamlirida ishlitilidighan waz kéchilmes matériyallardin biri pédigendur. ana wetini hindistan bolghan pédigen bilen étilidighan türk taamliri yüzlerche xilgha yétidu. bügün silerge, pédigen bilen étilidighan, göshsiz tamaq yégüchilerningmu ditigha yaqidighan we «imam eng yaqturidighan tamaq» dégen menini bildüridighan «imam bayildi» étish usuli heqqide melumat bérimiz. 

«imam bayildi» étish üchün kéreklik bolghan matériyallar töwendikiche:

• 4 dane pédigen
• bir qoshuq zeytun yéghi
• 3 dane otturihal piyaz
• 12 chish samsaq
• 3 dane qizilmuch
• 3 dane pemidur
• 3 tutam tuz
• 3 tutam qarimuch
• bir tatliq qoshuqi shéker
• bir baghlam yumghaqsüt

«imam bayildi» étish usuli töwendikiche:

• aldi bilen, pédigenni yuyup, postini soyung, andin pédigenni qizitilghan zeytun yéghida aldi hem arqa teripini qizarting, arqidin artuq yaghlirining singishi üchün, pédigenni taziliq qeghizining üstige éling.
• piyazlarni yérim halqa sheklide, samsaq we qizilmuchni bolsa ushshaq toghrang.
• hemmisini bir qoshuq zeytun yéghida birqanche minut pishurung.
• üstige posti soyuwétilgen, uruqliri chiqiriwétilip, toghralghan pemidurni ilawe qiling.
• pemidur yumshap pishqan chaghda, tuz, qarimuch, shéker we yumghaqsütni ilawe qilip, otni öchürüng.
• pédigenlerni qazangha tizing, ottura qismini pichaq bilen siziq sheklide yéring, qoshuq bilen kéngeytip, qéyiqqa oxshash éching.
• ichige pemidurluq matériyalni toldurung.
• tawa qazanda qalghan pemidurluq sunimu qazangha töküng, üstige nahayiti az miqdarda zeytun yéghi séping.
• tuwaqni yépip, 20 – 25 minut pishurghandin kéyin, istémal qilsingiz bolidu.