döletlik a putbol komandimiz firanisyeni meghlup qildi

türkiye awazi radiyosi xewiri: konya shehiride ötküzülgen musabiqisining 30 - ménutida kan ayxan we 40 - ménutida jengiz ünder top kirgüzüp, deslepki yérim meydan musabiqisini 0 ge qarshi 2 netije bilen tamamlidi. musabiqining ikkinchi yérimida bolsa, her ikki komanda top kirgüzelmidi. shundaq qilip döletlik a putbol komandimiz 0 ge qarshi 2 netijilik ütsünlük bilen musabiqini axirilashturdi.

döletlik a putbol komandimiz «H» guruppisining ilgiriki 2 qétimliq musabiqisida albaniyeni 0 ge qarshi 2 netije bilen we moldawiyeni 0 ge qarshi 4 netije bilen yenggen bolup, bu qétim dunyaning axiriqi chémpiyoni bolghan firansiye komandisini meghlup qildi. arqimu arqidin 3 ghelibiyetni qolgha keltürüsh arqiliq omumiy numurini 9 gha örletti. türkiye shundaq qilip, musabiqida aldinqi qatargha ötti.

«H» guruppisida tunji qétim meghlub bolghan firansiye komandisi bolsa, 6 numur bilen 2 orungha chüshüp qaldi.

döletlik komandimiz tarixida tunji qétim firansiye komandisini meghlup qildi. aridin 10 yil ötkendin kéyin reqibi bilen meydangha chüshken döletlik komandimiz meydandin ghelibe bilen ayrildi.

yashlar we tenterbiye ishliri ministiri muherrem qassapoghlu türkiye putbol fédératisiyesi bashliqi nihat özdemir bilen birge musabiqini nex meydandin kördi.

döletlik a putbol komandisi téxnika diriktori shenul günesh musabiqidin kéyin élan qilghan bayanatida, yaxshi oynap, 3 numurgha érishkenlikini bildürdi. u mundaq dédi:

«righbet we ishenchke érishtuq. qaytidin ümitlirmizni yashnattuq. ishench, hayajan we eqil bilen oyniduq. firansiyening ötkür qoralliri bar idi. biraq biz del eksiche téximu ötkür halgha kelduq. firansyege qarshi kökke kötürgüchiliki bolghan bir utuqqa érishtuq»

shenul günesh döletlik komandimizning üstünlükni qolgha keltürgenlikini tekitlep, zilandiye komandisi bilen ötküzülidighan musabiqiningmu intayin muhimliqini we pütün diqqitini shuninggha merkezleshtürishi lazimliqini éytti.

firansiye döletlik komandisi téxnika diriktori didér déschampismu «türkiye namayan qilghan mahariti bilen 3 numurgha heqliq boldi. biz intayin yétersiz maharet körsettuq. siqilish ichide emes iduq, téxnika jehette yétersiz qalduq. türkiye alahide süpetlik oynap, bu musabiqini utti. axirighiche tebrikleymen» dédi.

bu ariliqta ay yultuzluq komandimiz 2020 yawropa chémpiyonluqini talishish tallash musabiqilirining «H» guruppisida 11 – iyun seyshenbe küni zélandiye komandisi bilen meydangha chüshidu.