engliye qosh nopusluq puqralirini iranda sayahette bolmasliq heqqide agahlandurdi

engliye qosh nopusluq shundaqla engliye hökümitige tewe organlar üchün ishleydighan tégi iranliq puqralirini iranda sayahette bolmasliq heqqide agahlandurdi.

engliye qosh nopusluq puqralirini iranda sayahette bolmasliq heqqide agahlandurdi

 

türkiye awazi radiyosi xewiri: engliye tashqi ishlar ministirliqidin élan qilinghan yazma bayanatta, sayahet agahlandurushi qararining, qosh nopusluq shundaqla engliye hökümitige tewe organlar üchün ishleydighan tégi iranliq puqralirigha qarita iran hökümiti teripidin xalighanche nazaretke élish we nachar muamilige duchar qilish weqeliri yüz bergendin kéyin maqullanghanliqi bildürüldi.

bayanatta, «engliye puqraliri bolupmu qosh nopusluq puqralar nurghunlighan döletlerning puqralirigha sélishturghanda qetiy qobul qilghili bolmaydighan shekilde xalighanche qolgha élish we nachar muamilige duchar qilish xewpige köprek uchrimaqta» déyildi. hemde iran xewpsizlik küchlirining engliye organliri bilen munasiwiti bar kishilerdinmu gumanlinidighanliqi tekitlendi.

bayanatta, iran qosh nopusni étirap qilmighanliqi sewebidin nawada nazaretke élinghan teqdirde engliyening qolidin kélidighanlirimu cheklik ikenliki tekitlendi.

engliye tashqi ishlar ministiri jérémiy hantmu qosh nopusluq puqralarning iranda ziyarette bolghan ehwalda nachar muamilige uchrash xewpige duchar bolidighanliqini ilgiri sürüp, «engliye mesilini hel qilish üchün qanchilighan qétim purset sunghan bolsimu, iran hökümitining belgilimiliri barghanche nacharliship ketti. bashqa barliq tallashlar tügigenliki tüpeyli emdilikte qosh nupusluq puqralirimizning iranda ziyarette bolmasliqini tewsiye qilishqa mejburmiz» dédi.

engliyening sayahet agahlandurushi qarari, iran hökümitining engliye konsolida ishleydighan bir iranliqni jasusluq bilen eyiblep, 10 yilliq qamaq jazasigha höküm qilghandin kéyin maqullandi. 

 

 

 

 


خەتكۈچ: engliye , iran , agahlandurush

مۇناسىۋەتلىك خەۋەرلەر