xulusi aqar «F-35» tipliq urush ayropilani layihesi heqqide muhim söz qildi

dölet mudapie ministiri xulusi aqar we türkiye armiyesi qomandanliri «F-35» tipliq urush ayropilani orunlashturilidighan malatyadiki 7 - hawa armiye bazisida xizmetlerni közdin kechürdi.

xulusi aqar «F-35» tipliq urush ayropilani layihesi heqqide muhim söz qildi

 

 

türkiye awazi radiyosi xewiri: dölet mudapie ministiri xulusi aqar malatyadiki 7 - hawa armiye bazisida layihening téxnikiliq tepsilatliri heqqide melumat aldi. 

xulusi aqar rusiyedin «S-400» bashqurulidighan bomba mudapie sistémisi sétiwilishning «F-35» tipliq urush ayropilani layihesige héchqandaq tesir körsetmeydighanliqini éytti.

ministir xulusi aqar türkiyening «F-35» tipliq urush ayropilani layihesining shériki ikenlikini we bügünge qeder barliq mesuliyetlirini üzlüksiz we kem qoymastin toluq orundap kéliwatqanliqini hemde shériklikning teqezzasi süpitide 1 milyard 200 milyon dollar pul tapshurulghanliqini bildürüp yene mundaq dédi:

 «" S-400" bashqurulidighan bomba mudapie sistémisi küntertipke kelgendin kéyin, <" S-400" élinsa, «F-35» tipliq urush ayropilanini bermeymiz> deydighan bir ehwal otturigha chiqti. bizmu qarshi terepke «F-35» tipliq urush ayropilani layihesi kélishimide, <eger shériklerdin birsi " S-400" bashqurulidighan bomba mudapie sistémisi sétiwalsa, shérikliktin chiqirip tashlinidu> deydighan birer maddining yoqluqini eskertmektimiz. biz barliq mesuliyetlirimizni orundawatimiz. pütün xizmetlirimizni enchikilik we semimiyet bilen qiliwatimiz. buningdin bashqa yene, <" S-400" bashqurulidighan bomba mudapie sistémi shimaliy atlantik ehdi teshkilatining sistémisidin pütünley musteqil bolidu. nato sistémiliri bilen mashlashturush uyaqta tursun, döletlik sistémimiz bilenmu maslashturmaymiz. pütünley musteqil bolidu> dégenni tekitlewatimiz»



مۇناسىۋەتلىك خەۋەرلەر