erdoghan türkiye - iraq herbiy hemkarliq kélishimi üstide toxtaldi
jumhur reis rejep tayyip erdoghan iraq bilen bir herbiy hemkarliq we ishench kélishimi tüzülishining téximu munasip bolidighanliqini éytti.
türkiye awazi radiyosi xewiri: erdoghan teklipige binaen tünügün enqerege yétip kelgen iraq bash ministiri adil abdulmehdi bilen ayrim we heyetlerara uchrishishlarda bolghandin kéyin, qoshma axbarat élan qilish yighini chaqirdi.
erdoghan axbarat élan qilish yighinidiki sözide, «iraqning ul - eslihe qurulushlirining qaytidin bina qilinishi, térrorluq teshkilati daésh teriipidin weyran qilip tashlanghan kerkük - jeyhan néfit turubba liniyiesining baldurraq ishqa kirishtürülishining muhimliqini tekitliduq» dédi.
erdoghan türkiye – iraq otturisida bir herbiy hemkarliq we ishench kélishimining tüzülishining téximu yaxshi bolidighanliqigha dair qarar maqullighanliqini bildürdi.
iraq bash ministiri adil abdulmehdimu «herqandaq shekilde türkiyege qarita bézining zéminimizdin birer bixeterlik xewpining shekillinishini qobul qilishimiz mumkin emes» dédi.
