15.05.2019

bügünki chet el metbuatliridin tallap teyyarlighan xewerlirimizning qisqiche mezmunliri töwendikiche:

15.05.2019

 

 

liwanda chiqidighan «Al-  Hayat» géziti, jumhur reis rejep tayyip erdoghanning idlibta türkiye rusiye kélishimige ziyankeshlik qilish urunishi barliqini éytqanliqini xewer qildi.

seudi erebistanda ingilizche chiqidighan «Alsharq Alawsat» géziti, süriye tartqan ziyanning 380 milyard dollar ikenlikini we xelqining %93 ning yoqsul we namrat halgha kélip qalghanliqini xewer qildi.

qatarda chiqidighan «Al-Raya Al-Katariya» géziti, yéqinqi 72 saet ichide seudi erebistanning tartqan zéyinining 31 milyard dollargha yetkenlikini xewer qildi.

gérmaniyede chiqidighan «Süddeutsche Zeitung (SZ)» géziti, gérmaniye ichki ishlar ministiri horst séhoférning «hazirche süriyelikler üchün yolgha qoyulghan panahliqqa iltija qilish belgilimisini özgertishni xalimaydighanliqini éytqanliqini xewer qildi. 

gérmaniyening «Deutsche Welle (DW)» médiya orgini, gérmaniye shirketlirining tekshürüsh we tetqiq qilish xirajetliride rékort yaratqanliqini xewer qildi.

gérmaniyening «zdf.de» tori, gérmaniyede 2018yilida irqiy ayrimchiliq weqelirining yüz bérish nisbitining %400 yuqiri örligenlikini xewer qildi.

ispaniyede chiqidighan «El País» géziti, ispaniyening iran déngiz qoltuqidiki amérikigha tewe hujumchi qisimliri arisidiki «Méndez Núñez» déngiz armiye etritini chékindürgenlikini xewer qildi.

ispaniyening «El Mundo» géziti, wénézuélada saqchi we herbiy qisimlarning parlaméntning kontirolluqini alqinigha alghanliqini xewer qildi.

ispaniyede chiqidighan «La Vanguardia» géziti, xitayning améridiki mebleghlirining %80 töwenligenlikini xewer qildi.

firansiyening «Libération» géziti, «26 - heptilik namayishlar؛ lillede chaqliq orunduq ishlitidighan 2 neper méyip sériq jélitkilik namayishchigha saqchilar yash aqquzush bombisi bilen mudaxile qildi» serlewhilik xewer élan qildi.

«Le Figaro» géziti, térésa meyning iyun éyining bashlirida yawropa ittipaqidin chékinishke alaqidar yéngi bir kélishim teklipi sunidighanliqini xewer qildi.

rusiyening «Haberrus» xewerler tori, pompéoning sochida putin bilen körüshkenlikini, her ikki terepning munasiwetlerni tüzütüsh basquchini bashlashni xalaydighanliqini xewer qildi.

rusiyening «Türkrus» xewerler tori, «merkez bankisining dollar zapisi yérim tirilyon dollargha qarap uchqandek ilgirilimekte» serlewhilik xewer élan qildi.

rusiyening «obzor.press» xewerler tori, ataqliq rusiye siyasetchiliri we parlamént ezalirining kimlik melumatlirining hemmeylenge ochuq halda élan qilinghanliqini xewer qildi.

radiyo anglighuchi eziz qérindashlar! yuqirida bügünki chet el metbuatliridin tallap teyyarlighan qisqiche xewerlirimizni anglidinglar!

 



مۇناسىۋەتلىك خەۋەرلەر