15.05.2019

türkiye awazi radiyosi: sabah géziti, «chawushoghlu süriye mesilisi heqqide bayanat élan qildi» serlewhilik xewiride munularni yazdi:

tashqi ishlar ministiri mewlüt chawushoghlu süriyede hökümet qisimlirining qiliwatqan hujumliri arqiliq sochi kélishimini ayaq asti qilghanliqini bildürdi. chawushoghlu tünügün tiwittér hésabidin élan qilghan bayanatida, süriye muzakire heyiti bashliqi nasir el heriri bilen birlikte chüshken resimini ishlitip, «esed qisilirining hujumliri sochi kélishimige ashkara xilapliq we astane ruhigha tüptin zittur. dölet asasiy qanuni mesliside kélishim hasil qilishqa yéqinliship qalduq» dédi.

weten géziti, «türk éqimi layiheside tunji gaz yollash xizmiti 31 – dékabirda bashlinidu» serlewhilik xewiride munu uchurlargha orun ajratti:

rusiye énérgiye shirkiti gaspiromning ijraiye kéngishi muawin bashliqi witaliy markélow türk éqimi turubba liniyesi layiheside, tunji gaz yollash xizmitining 31 – dékabirda bashlinishini pilanlighanliqini élan qildi. rusiye gazini türkiye we yawropagha yetküzidighan türk éqimi tebiiy gaz turubba liniyesi؛ her bir turubbisi yiligha 15 milyard 750 milyon küpmétir gaz yetküzüsh iqtidarigha ige ikki turubbidin teshkil tapidu. 

hörriyet géziti, «chong örlesh mölcherlenmekte» serlewhilik xewiride munularni qeyt qildi:

türkiye sayahet ajantaliri birliki bashliqi firuz baghlikaya mughlaning bodrum nahiyesining dunyagha tonulghan sayahet merkezliridin birsi ikenlikini bildürüp, chet ellik sayahetchiler sanida chong örleshni mölcherlewatqanliqini bildürdi. firuz baghlikaya 2019 – yilining deslepki 3 ayliq mezgilide, aldinqi yilning oxshash mezgilige sélishturghanda zor örleshni qolgha keltürgenlikini éytti.

yéngi shepeq géziti, «türkiye su éléktir ishlepchiqirishta dunyadiki eng ilgharlar qataridin orun aldi» serlewhilik xewiride munularni yazdi:

türkiye aldinqi yili 1085 mégawat su éléktir ishlepchiqirish iqtidarigha ige éléktir istansisi bilen dunya boyiche 4 – orungha ötti. aldinqi yili 48 dölet jemiy 21 ming 800 mégawat su éléktir ishlepchiqirish iqtidarigha ige bolghan idi. 

xewer türk géziti, «jénnifér lopéz antalyada konsért béridu» serlewhilik xewiride munu uchurlarni ortaqlashti:

latin muzikisining dunyagha meshhur cholpini jénnifér lopéz 6 – awghustta antalyaning serik nahiyeside konsért béridu. lopéz bu qétimqi konsértida, mushu yilliq yéngi naxshisi «single» we «Medicine» din bashqa yene, «On The Floor», «Aint It Funny» we «Love Don't Cost a Thing» qatarliq eng meshhur naxshilirini orunlap béridu.