15.05.2019

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

15.05.2019

 

 

түркийә авази радийоси: сабаһ гезити, «чавушоғлу сүрийә мәсилиси һәққидә байанат елан қилди» сәрләвһилик хәвиридә мунуларни йазди:

ташқи ишлар министири мәвлүт чавушоғлу сүрийәдә һөкүмәт қисимлириниң қиливатқан һуҗумлири арқилиқ сочи келишимини айақ асти қилғанлиқини билдүрди. чавушоғлу түнүгүн тивиттер һесабидин елан қилған байанатида, сүрийә музакирә һәйити башлиқи насир әл һәрири билән бирликтә чүшкән рәсимини ишлитип, «әсәд қисилириниң һуҗумлири сочи келишимигә ашкара хилаплиқ вә астанә руһиға түптин зиттур. дөләт асасий қануни мәслисидә келишим һасил қилишқа йеқинлишип қалдуқ» деди.

вәтән гезити, «түрк еқими лайиһәсидә тунҗи газ йоллаш хизмити 31декабирда башлиниду» сәрләвһилик хәвиридә муну учурларға орун аҗратти:

русийә енергийә ширкити гаспиромниң иҗраийә кеңиши муавин башлиқи виталий маркелов түрк еқими турубба линийәси лайиһәсидә, тунҗи газ йоллаш хизмитиниң 31декабирда башлинишини пиланлиғанлиқини елан қилди. русийә газини түркийә вә йавропаға йәткүзидиған түрк еқими тәбиий газ турубба линийәси؛ һәр бир туруббиси йилиға 15 милйард 750 милйон күпметир газ йәткүзүш иқтидариға игә икки туруббидин тәшкил тапиду. 

һөррийәт гезити, «чоң өрләш мөлчәрләнмәктә» сәрләвһилик хәвиридә мунуларни қәйт қилди:

түркийә сайаһәт аҗанталири бирлики башлиқи фируз бағликайа муғланиң бодрум наһийәсиниң дунйаға тонулған сайаһәт мәркәзлиридин бирси икәнликини билдүрүп, чәт әллик сайаһәтчиләр санида чоң өрләшни мөлчәрләватқанлиқини билдүрди. фируз бағликайа 2019йилиниң дәсләпки 3 айлиқ мәзгилидә, алдинқи йилниң охшаш мәзгилигә селиштурғанда зор өрләшни қолға кәлтүргәнликини ейтти.

йеңи шәпәқ гезити, «түркийә су електир ишләпчиқиришта дунйадики әң илғарлар қатаридин орун алди» сәрләвһилик хәвиридә мунуларни йазди:

түркийә алдинқи йили 1085 мегават су електир ишләпчиқириш иқтидариға игә електир истансиси билән дунйа бойичә 4орунға өтти. алдинқи йили 48 дөләт җәмий 21 миң 800 мегават су електир ишләпчиқириш иқтидариға игә болған иди. 

хәвәр түрк гезити, «җеннифер лопез анталйада консерт бериду» сәрләвһилик хәвиридә муну учурларни ортақлашти:

латин музикисиниң дунйаға мәшһур чолпини җеннифер лопез 6авғустта анталйаниң сәрик наһийәсидә консерт бериду. лопез бу қетимқи консертида, мушу йиллиқ йеңи нахшиси «single» вә «Medicine» дин башқа йәнә, «On The Floor», «Aint It Funny» вә «Love Don't Cost a Thing» қатарлиқ әң мәшһур нахшилирини орунлап бериду.



مۇناسىۋەتلىك خەۋەرلەر