erdoghan küntertipke alaqidar muhim sözlerni qildi

jumhur reis rejep tayyip erdoghan yéngi zélandiyediki térrorluq hujumining xususiy emes pütünley teshkillik ikenlikini éytti.

1166083
erdoghan küntertipke alaqidar muhim sözlerni qildi

 

türkiye awazi radiyosi xewiri: jumhur reis rejep tayyip erdoghan 3 xususiy téléwziye qanilining ortaq ulap tarqitish pirogrammisida küntertipke alaqidar bayanatlarda boldi.

nex meydandin ulap tarqitish pirogrammisida soallargha jawab berdi shundaqla yéngi zélandiyede jüme namizi waqtida élip bérilghan we 50 kishining jinigha zamin bolghan térrorluq hujumi heqqide toxtilip, hujumining xususiy emes, pütünley teshkillik ikenlikini tekitlidi hemde gherb dunyasining bu weqege tutqan jim turuwélish pozitsiyesige naraziliq bildürdi.

erdoghan mundaq dédi:

«firansiyediki charlé hébdo weqeside pütün dunya yawropada bir yerge jem boldimu? jem boldi. undaqta bu weqege qarita yawropaning awazi chiqip baqtimu? yaq. yawropadin téxiche birer nerse anglighinimiz yoq. gherb médiyasi bu ishqa qarita pütünley neyrengwazliq bilen ish tutmaqta»

erdoghan bu hujumgha bérilgen jazagha dair igilengen melumatlarnimu hemberhirliship, «15 yilliq qamaq jazasi dégendek nersilerdin söz qilishmaqta. yeni, 50 musulman shehéd qilinidu, buning jazasi aran 15 yil bolidu. bundaq ish mumkinmu? buni qandaqmu qobul qilghili bolsun?» dédi.

süriyening afrin rayonining térrorluqtin tazilanghanliqining xatire yilida rayonda ishqa ashurulghan xatirijemlik üstidimu toxtalghan we muhim bir xewp terepke hemmining diqqitini tartqan erdoghan, «eger biz u térrorluq karidorini tosmighan bolsaq, afrindin we jerablustin yérip ötüsh herikitimizni ishqa ashurmighan bolsaq iduq, bügünki künde bizning jenubimiz pütünley bu térrorchilar teripidin ishghal qilinghan bolatti» dédi.

jumhur reis rejep tayyip erdoghan yawropa ittipaqi muzakiriliri heqqide yawropaliq mesullar teripidin élan qilinghan yéqinqi bayanatlar üstidimu toxtilip, «biz bilen muzakirilerni toxtatsun yaki toxtatmisun, türkiyeni yawropaning sirtigha chiqiriwételmeydu. buni hergiz qilalmaydu. chünki bularning türkiyege éhtiyaji bar» dédi.

erdoghan iqtisadta ishni qattiq tutiwatqanliqini we ilgirileshlerning yaxshi terepke kétip barghanliqinimu sözlirige ilawe qildi.  



مۇناسىۋەتلىك خەۋەرلەر