«tuxumchi bala» iane pullarni yéngi zélandiyediki musulmanlargha béghishlaydighan boldi
«tuxumchi bala» dep nam alghan 17 yashliq wil konnoliy özi üchün yighilghan yardem pollarning asasliq köp qismini kiristchorch shehiridiki térrorluq hujumi qurbanlirigha béghishlaydighanliqini élan qildi.
türkiye awazi radiyosi xewiri: yéngi zélandiyede ikki jamege qilinghan térrorluq hujumidin kéyin musulmanlarni eyiblep hemmining naraziliqini qozghighan awstraliye musteqil parlamént ezasi firasér anninggha tuxum étip inkas qayturghan 17 yashliq wil konnoliy özi üchün yighilghan yardem pollarning asasliq köp qismini kiristchorch shehiridiki térrorluq hujumi qurbanlirigha béghishlaydighanliqini élan qildi.
yéngi zélandiyede chiqidighan «Herald» gézitining xewirige asaslanghanda, awstraliye parlamént ezasi anning mélborn shehiridiki ammigha ochuq bir paaliyette térrorluqni yolluq körsetmechi bolghan érqiy ayrimchi bayanatliri tüpeylidin hemmining tenqidige uchrighan bolup, shu esnada 17 yashliq konnoliy uning béshigha toxum étip naraziliqini bildürgen.
«GoFundMe» namliq bir yardem toplash tori konnoliy üchün qanunluq usulda téximu köprek tuxum sétiwélishigha yardem toplash seperwereliki bashlighan.
xewerde, yardem seperwereliki bashlighan kishining «tuxumchi bala» dep nam alghan konnoliy bilen alaqe ornatqanliqi we konnoliyning polning asasliq köp qismini kirsitchorch shehiridiki térroluq hujumining qurbanlirigha yollash qarari alghanliqini éytqanliqi bildürüldi.
yardem seperwerlikide hazirgha qeder jemiy 42 ming dollar toplanghanliqi qeyt qilindi.
