liwiye ichki ishlar ministiri türkiyeni medhiyelidi

liwiye döletlik birleshme hökümiti ichki ishlar ministiri eli fethi bashagha türkiyening liwiyege qilghan yardemlirini medhiyelidi.

türkiye awazi radiyosi xewiri: liwiye ichki ishlar ministirliqidin élan qilinghan bayanatta, eli fethi bashaghaning türkiyening trambulsqta turushluq bash elchisi serhat aksen bilen tirablusta körüshkenliki qeyt qilindi. 

uchrishishta ikki dölet otturisidiki munasiwetlerning muzakire qilinghanliqi, eli fethi bashaghaning liwiyening bixeterlik we iqtisad sahesige türkiye qilghan yardemlerni medhiyeligenliki bildürüldi.

uchrishishta bash elchi serhat aksenmu paytext trablus we etrapida, bolupmu bixeterlik saheside ichki ishlar ministirliqining körsetken tirishchanliqi we yaxshilash xizmetlirining ehmiyitini maxtidi.

liwiye néfit bayliqi mol ereb döliti bolup, 2011 – yilidin buyan yüz bergen siyasiy we bixeterlik kirizisliri liwiyeni muqimliqtin xali bir dölet qurulmisigha ittirgen idi.

liwiye ikki ayrim hökümetning arisida siqilip qalghan ehralda turmaqta.

paytext trablusta döletlik birleshme hökümiti hakimiyetni kontirolluqi astida tutup turushqa tirishwatqan bolsa, tabroqtiki awam palata hökümiti général xelife hafterning qoralliq qisimliri bilen tobroqning kontirolluqini alqinida tutup kelmekte.