yemende 48 saet ichide ölgenlerning sani 22 ge yetti

birleshken döletler teshkilati insanperwerlik xizmetlirini maslashturush ishxanisi teripidin élan qilinghan bayanatta, hajjah wilayitidiki hujumlarda yéqinqi 48 saet ichide 12 kichk bala we 10 ayal bilen jemiy 22 puqraning ölgenliki bildürüldi.

1161730
yemende 48 saet ichide ölgenlerning sani 22 ge yetti

 

türkiye awazi radiyosi xewiri: hujumda 30 kishi yaridar bolghanliqi, yaridar bolghan kichik balilarning dawalash üchün paytext senadiki doxturxanilargha yollanghanliqi we bezilirining jiddiy yötkelmise bolmaydighan ehwalda ikenliki bildürüldi.

birleshken döletler teshkilati yemen insanperwerlik xizmetlirini maslashturush ishxanisi bashliqi lise grand hujumni eyiblep: «hel qilish charisini tapqili bolidighan bir kirizista orunsiz halda puqralarning ölümining dawamlishishi intayin qorqunchluq» dédi.

yemende uzundin béri siyasiy muqimsizliq dawamlishiwatqan bolup, xusiylar 2014yilidin buyan paytext sana we bezi rayonlarning kontirolluqini alqinigha kirgüzüwalghan ehwalda turmaqta.

seudi erebistan rehberlikidiki birleshme qisimlar 2015yili mart éyidin buyan xusiylargha qarshi yemen hökümitige yardem qilmaqta.

yemende 4 yildin köprek waqittin béri dawamlishiwatqan toqunushlarda mingilghan kishi hayatidin ayrildi.

b d t ning qarishiche, dunya boyiche eng chong insaniyetke xilap kirizislerdin birsi yemende yüz bériwatqan bolup, omumiy nopusining teng yérimini teshklil qilidighan 10 milyon insan acharchiliqqa mubtila bolmaqta. 

yemende 22 milyondin köprek insan yardemge we qoghdinishqa muhtaj halgha kélip qaldi.

yemenning nurghunlighan saheliri éghir kirizis ichide bolup, pakiz suning qisliqi, yétersiz ozuqlinish, dora we tibbiy eslihelerning kem bolushi dégendek sewebler tüpeylidin xoléra qatarliq yuqumluq waba késelliklirige duchar bolghanlarning sanimu künsiri ashmaqta.

 


خەتكۈچ: #yemen , #b d t

مۇناسىۋەتلىك خەۋەرلەر