mewlüt chawushoghlu amérika bilen bashqurulidighan bomba sétiwélishni muzakirileshti
tashqi ishlar ministiri mewlüt chawushoghlu amérika bilen wetenperwer bashqurulidighan bomba hawa mudapie sistémisi sétiwélish üchün muzakire ötküzgenlikini éytti.
türkiye awazi radiyosi xewiri: mewlüt chawushoghlu tünügün eskishehirde tarqitilidighan bir yerlik téléwiziye pirogrammisigha qatniship, amérikining wetenperwer bashqurulidighan bomba hawa mudapie sistémisini sétiwélishning «S-400» sistémisini sétiwélishigha héchqandaq tesir körsetmeydighanliqini qeyt qilidi.
«S-400» basqurulidighan bomba sistémisigha alaqidar muzakirilerning axirilashqanliqini we kélishimning imzalanghanliqini eskertken chawushoghlu, «bu yilning axirilirigha yéqin, küzde tapshurup alimiz. biz amérikining wetenperwer bashqurulidighan bomba hawa mudapie sistémisini sétiwalalmighanliqimiz üchün «S-400» ni alduq. bügünge qeder wetenperwer bashqurulidighan bomba heqqide 2 yil ilgiri yazghan mektubimizgha amérikidin bu qétim ijabiy jawab keldi. muzakiriler bashlandi. bizning hawa mudapie sistémisigha éhtiyajimiz bar. etrapimizda jiddiy xewpler we tehditler mewjut. bashqurulidighan bomba tehditimu bar. shunga döltimizning hawa mudapie sahesini qoghdashqa mejburmiz» dédi.
mewlüt chawushoghlu wetenperwer bashqurulidighan bomba sistémisini sétéwélalishi üchün baha talishish we muzakrlerde ortaq bir nuqtigha kélish kéreklikini alahide tekitlep, «"men sétishni xalaymen, biraq méning shertim asasida satimen" déyishke bolmaydu. bu xil sistémilarning melum qimmiti bar. türkiyeningmu shuninggha yarisha shertliri bar. amérikining shert qoshushi muhim emes. ikkinchidin eng muhimi amérika öz palatasining testiqini élishi kérek. buningghimu kapaletlik qilish lazim. bügünge qeder biz amérikidin adettiki qorallarni sétiwélishtimu qéyinchiliqlargha uchrap kelduq. wetenperwer bashqurulidighan bomba we bashqa mesililernimu herqandaq dölet bilen olturup söhbetlishimiz. kélishelisek, menpeetimizge uyghun bolsa, sétiwalimiz» dédi.
