jewdet yilmaz misirda 9 yashqa ölüm jazasi ijra qilinghanliqini qattiq eyiblidi
adalet we tereqqiyat partiyesi muawin reisi jewdet yilmaz, misirda bir yandin ölüm jazaliri ijra qiliniwatqan bir peytte, yene bir yandin xelqaliq yighinlarning chaqirilishining tolimu azablinarliq ish bolghanliqini bildürdi.
türkiye awazi radiyosi xewiri: adalet we tereqqiyat partiyesi muawin reisi jewdet yilmaz bingölde axbarat élan qilish yighini chaqirip, küntertipke alaqidar mesililer üstide toxtaldi.
misirda ijra qilinghan ölüm jazalirini azablinish ichide teqib qilghanliqini bildürgen jewdet yilmaz: «yap - yash insanlar ölüm jazasi bilen jazalandi. epsuski, u yüreklerni zide qilghuchi sehnilerni hemmimiz birlikte kördüq, dunyamu kördi. lékin dunyada bu heqte yéterlik naraziliqlarni körelmiduq» dédi.
jewdet yilmaz kishlik hoquq mesilisini éghizidin chüshürmeydighan küchlerning bu mesilige süküt qilip turiwélishqanliqini alahide tekitlep, «misirda bu ölüm jazaliri ijra qiliniwatqan bir peytte, yene bir tereptin xelqaliq yighinlarning chaqirilghanliqini we u yerde bundaq héchbir mesile yoqtek muamile qillalighanliqini kördüq. bumu ademni bashqiche azablaydighan bir ish boldi. biz misir xelqining yinidamiz. misir xelqi bizning qérindashlirimizduq. oxshash qimmet qarashlargha we medeniyetke ige xelqmiz. misir xelqining bu azabliridin we qéyinchiliqliridin baldurraq qutulushini arzu qilimiz» dédi.
2015 – yili misirda yüz bergen bomba hujumida bash mupettish hisham berekatning alümige seweb bolghanliqi bilen eyiblinip sot qilinghan 9 yashqa aldinqi hepte ölüm jazasi ijra qilinghan idi.
