ataqliq alim «qizil renglik tutush buyruqi tizimliki» din chiqiriwétildi

dunya musulman alimlar birlikining sabiq reisi, ataqliq alim yüsüf qerzawi «qizil renglik tutush buyruqi tizimliki» din chiqiriwétildi.

1106187
ataqliq alim «qizil renglik tutush buyruqi tizimliki» din chiqiriwétildi

türkiye awazi radiyosi xewiri: xelqara jinayi ishlar saqchi teshkilati dunya musulman alimlar birlikining sabiq reisi, ataqliq alim yüsüf qerzawini «qizil renglik tutush buyruqi tizimliki» din chiqiriwetti.

qerzawining axbarat wasitiliri ishliri ishxanisi teripidin bu heqte élan qilinghan yazma bayanatta, mundaq déyildi: «ataqliq alim qerzawining adalet we heqqaniyettin xaliy misir edliyesining telipige binaen kirgüzülgen <qizil renglik tutush buyruqi tizimliki> din chiqiwétilishi heqiqetenmu xushallinarliq ishtur.  derweqe, misir dairiliri <qizil renglik tutush buyruqi> chiqirilghan chaghda, qerzawi we yüzlerche kishining mal – mülüklirini qanunsiz halda musadire qilghanidi. qerzawini xelqara qanun we pirinsiplargha asasen <qizil renglik tutush buyruqi tizimliki> din chiqirewtken xelqara jinayi ishlar saqchi teshkilatigha rehmet éytimiz. shuni alahide tekitleymizki, yüsüf qerzaning qizi ela qerzawi bilen küyoghli husam xelef téxiche qanunsiz halda türmide yétiwatidu.»

merkizi liyondiki xelqara jinayi ishlar saqchi teshkilatining intérnét tor bétide, 2014 – yili dékabirda chiqirilghan qarargha asasen, misir we qatar puqrasi bolghan yüsüf qerzawi üstidin «qesten jinayet sadir qilishqa qutritish we yardem bérish, mehbuslarning qéchishigha yardem bérish, ot qoyup bérish we bolang – talang qilish jinayetliri bilen eyiblinip» «qizil renglik tutush buyruqi» chiqirilghaniliqi eskertilgenidi.

qatarda yashaydighan qerzawi misirda tunji qétim saylam arqiliq wezipige olturghan pirézidént muhemmed mursining herbiy – siyasiy özgirish arqiliq aghduruwétilishige qarshi chiqqan, herbiy – siyasiy özgirishtin kéyin hakimiyet béshigha chiqqan abdulfettah essisini qattiq tenqid qilghanidi.

misir edliyesi qerzawini birqatar jinayetler bilen eyiblep, 2013 – yili dékabirda uning üstidin «qizil renglik tutush buyruqi» chiqirishi üchün xelqara jinayi ishlar saqchi teshkilatigha iltimas sunghanidi.

xelqara jinayi ishlar saqchi teshkilati misirning telipige binaen yüsüf qerzawi we musulman qérindashlar teshkilatining köpligen rehberliri üstidin «qizil renglik tutush buyruqi» chqqarghanidi.



مۇناسىۋەتلىك خەۋەرلەر