rusiyede dawamlishiwatqan dunya longqisini talishish musabiqiliri qizzip ketti
firansiye we urugway komandiliri charek hel qilghuch musabiqisigha qatnishish hoquqini qolgha keltürdi.
türkiye awazi radiyosi xewiri: rusiyede dawamlishiwatqan 2018 – yilliq putbol fédératisyeliri birliki «FIFA» ning dunya longqisini talishish musabiqilirining axirqi 16 - basquchluq musabiqiside, firansiye komandisi argéntina komandisini 3 ke qarshi 4 netije bilen yingip, charek hel qilghuch musabiqigha qatnishish hoquqini qolghan keltürdi.
musabiqe bashlinip 13 – minutta firansiye komandisidin girézman bir top kirgüzüp, 0 ge qarshi 1 netije bilen üstünlükni igilidi. 41 – minutida argéntina komandisidin di mariyamu qarshi terepke bir top kirgüzüp, barawerlikni qolgha keltürdi.
riqabetning deslepki yérimi 1 ge qarshi 1 netije bilen barawer axirlashti.
ikkinchi yérimining 48 – minutida argéntina komandisidin missi bir top kirgüzüp, 1 ge qarshi 2 netije bilen aldigha ötüp ketti. firansiye komandisidin parawrd 57 –minutida bir top kirgüzüp, yene barawerlikni qolgha keltürdi.
firansiye komandisidin mibappe 64 – we 68 - minutida ikki top kirgüzüp, 2 ge qarshi 4 netijini qolgha keltürdi.
musabiqining 90 + 3 – minutida argéntina komandisidin aguroning bir top kirgüzüshi bilen otturidiki perq birge chüshti.
musabiqide, firansiye komandisi 3 ke qarshi 4 netije bilen argéntina komandisini yengdi.
rusiyede dawamlishiwatqan 2018 – yilliq potbol fédératisyeliri birliki «FIFA» ning dunya longqisini talishish musabiqilirining axirqi 16 basquchluq musabiqisida yene, urugway komandisimu portugaliyeni 1 ge qarshi 2 netije bilen yingip, charek hel qilghuch musabiqigha qatnishish hoquqini qolgha keltürüsh arqiliq firansiyening reqibige aylandi.
urugway komandisidin jawa musabiqe bashlinip 7 – minutida bir top kirgüzdi. 55 – minutida portugaliyedin pepening bir top kirgüzüshi bilen tengleshti.
62 – minutida urugway komandisidin meshin bir top kirgüzüp 1 ge qarshi 2 netije bilen üstünlikni igilidi.
musabiqining qalghan waqitlirida urugway netijisini qoghdap qilishta utuqqa ériship, 1 ge qarshi 2 netije bilen portugaliyeni yengdi we charek hel qilghuch musabiqigha qatnishish hoquqini qolgha keltürüsh arqiliq firansiyening reqibige aylandi.
firansiye bilen urugway komandiliri otturisidiki charek hel qilghuch musabiqe 6 – iyul jüme küni nizniy nowgorod tenterbiye zalida ötküzülidu.
