türkiyelik bokis mahiri firat arslan 4 – qétim dunya chémpiyoni boldi
türkiyening kespiy bokis tarixining tunji we birdin - bir dunya chémpioni firat arsilan yéngi rékort yaritip, 4 – qétim dunya chémpiyoni boldi we 15 – qétim altun kemer mukapatigha érishti.
türkiye awazi radiyosi xewiri: türkiyelik bokis mahiri firat arslan gérmaniyening karlsiruch shehiride argéntinaliq bokis mahiri pablo matés magronigha qarshi dunya chémpiyonliqini talishish doéli élan qildi.
arégéntinaliq bokis mahiri pablo matés magroni mushtumining küchlükliki we 19 musabiqida 15 reqibini urup yéqitip qoyushi bilen tonulghan bolup, bu qétim musabiqining birinchi minutidila türkiye mahiri firat arslan atqan musht del ingikige tégip yerge yéqildi.
türkiye mahiri firat arslan musabiqidin kéyin élan qilghan bayanatida, reqibining intayin küchlük we xeterlik bir tenherketchi ikenlikini tekitlep, «buningdin ilgiri uning wédiolirini körgen idim we qandaq xeterge aldimni qilghanliqimni bilettim. musabiqe bashlandi manga atqan mushtini körgünimde, kim chaqqan chiqsa we urup yéqitip qoyalisa, shu utup chiqidighanliqini jezimleshtürdüm. musabiqa bashlinishi bilen tengla reqibimning bir ajizliqini bayqidim we uni yaxshi qollinip, reqbimni yerge yiqittim» dédi.
tenterbiye zalini turghun sanda türkiyelik tamashibinlar toldurghan bolup, firatning meydangha chiqish muzikisi bolghan «dombira» chélinmighiche, firat meydangha chiqishni ret qilghan we «dombira» muzikisi chélinghiche saqlap turghan idi.
melum mezgildin kéyin uning telep qilghan muzikisi chélinghanda, andin türkiye bayriqini kötürginiche meydangha chiqqan idi.
