йәһудийлар аллаһниң рәһмитидин йирақ қилинди

йәһудийлар: «аллаһниң қоли бағлақлиқтур (йәни аллаһ бехилдур йаки пеқирдур)» дегән сөзлири сәвәблик аллаһниң рәһмитидин йирақ қилинди.

978329
йәһудийлар аллаһниң рәһмитидин йирақ қилинди

түркийә авази радийоси:  маидә сүриси, 64 – 68 - айәтләр. йәһудийлар: «аллаһниң қоли бағлақлиқтур (йәни аллаһ бехилдур йаки пеқирдур)» деди. йәһудийларниң қоллири бағлансун! улар бу сөзлири сәвәблик аллаһниң рәһмитидин йирақ қилинди, әмәлдә аллаһниң икки қоли очуқтур, қандақ халиса шундақ ризиқ бериду, пәрвәрдигариң тәрипидин саңа назил қилинған қуран уларниң көпчиликидә йаманлиқ билән куфрини ашуриду (йәни уларниң саңа дүшмәнликини вә қуранни инкар қилишини зийадә қилиду). биз уларниң арисиға қийамәткичә давамлишидиған өчмәнлик вә дүшмәнликни салдуқ, улар һәрқачан (рәсулуллаһқа қарши) уруш отини йақмақчи болса, аллаһ уни өчүриду, улар йәр йүзидә (исламға суйиқәст қилиш вә мусулманлар арисида питнә қозғаш билән) бузғунчилиқ қилип йүрүйду, аллаһ бузғунчилиқ  қилғучиларни йақтурмайду[64]. әгәр әһли китаб (йәни йәһудийлар вә насаралар) (аллаһқа вә униң пәйғәмбиригә һәқиқий) иман ейтса вә (аллаһ чәклигән ишлардин) пәрһиз қилса иди, уларниң гунаһлирини биз чоқум кәчүрәттуқ, уларни чоқум назу-немәтлик җәннәткә киргүзәттуқ[65]. әгәр улар тәвратқа, инҗилға вә пәрвәрдигари тәрипидин уларға назил қилинған башқа китабларға әмәл қилса иди, улар чоқум үстилиридин вә айағлири астидин йәр иди (йәни уларға асман ـ земиндин кәң ризиқ бериләтти), улардин бир җамаә (йәни муһәммәд әләйһиссаламға иман ейтқанлар) тоғра йолдидур. уларниң нурғунлири немидегән йаман иш қилғучилар![66] и пәйғәмбәр! пәрвәрдигариң тәрипидин саңа назил қилинған әһкамларниң һәммисини йәткүзгин, әгәр толуқ йәткүзмисәң, аллаһ тапшурған вәзипини ада қилмиған болисән. аллаһ сени кишиләрниң зийанкәшликидин сақлайду. аллаһ һәқиқәтән капир қәвмни һидайәт қилмайду[67]. (и муһәммәд!) ейтқинки, «и әһли китаб! (йәни йәһудийлар вә насаралар) силәр тәвратқа, инҗилға вә силәргә пәрвәрдигариңлардин назил қилинған китабқа (йәни қуранға) толуқ әмәл қилмиғучә, силәр етибарға алғудәк динда болған болмайсиләр». пәрвәрдигариңдин назил қилинған әһкамлар уларниң көпчиликидә йаманлиқ вә куфрини ашуриду, капир қәвм үчүн қайғурмиғин (чүнки пәйғәмбәрләрни йалғанға чиқириш уларниң адитидур)[68].



مۇناسىۋەتلىك خەۋەرلەر