daniyediki musulmanlar yéngi bir chong jamege érishti
yawropaning kültür paytexti bolghan daniyening ikkinchi chong shehiri arushta qurulushi tamamlanghan «birabran ulu jamesi»ning resmiy échilish murasimi ötküzüldi.
türkiye awazi radiyosi xewiri: bu, daniye türk diniy ishlar weqpisige tewe ibadetxanilar arisidin orun alghan we yéngidin yasap chiqilghan 2 – jame bolup, hoylisini hésabqa almighanda «ulu jamesi» binasila 1200 kiwadirat métir kélidu.
jamening gümbizi 14 kiwadirat métir bolup, égizliki 14 métir, pütüsh aldida turghan munarining égizliki bolsa 24 métir kélidu.
ulu jame külliye sheklide layihelendi. uningda konférans zali, sinip we paaliyet ishxaniliri, ashxana we chayxanimu bar. jamening ibadet qilinidighan merkiziy qismi 300 kiwadirat métir kélidu. jamening gümbizining neqishliri türkiyedin barghan neqqashlar teripidin pütküzüldi. ibadet bölümidiki gélemler, munber we méhrablarmu türkiyedin mexsus élip kélindi.
daniyelik bir qurulush shirkitige höddige bérilgen ulu jamege texminen 18 milyon kiron (yeni 9 milyon 500 ming lira) chéqim ketkenliki bildürüldi.
