«илаһий рәһмәт вә мәғпирәт кечиси»

ислам дунйасида «мубарәк айлар» һесаблинидиған рәҗәб, шабан вә рамизан айлириниң хәвәрчиси болған рәғаиб кечиси бүгүн идрак қилиниду.

702607
«илаһий рәһмәт вә мәғпирәт кечиси»

түркийә авази радийоси хәвири: рәҗәб ейиниң тунҗи пәйшәнбә кечисини җүмә күнигә туташтуридиған кечиси идрак қилинидиған рәғаиб кечиси «илаһий рәһмәт вә мәғпирәт кечиси» сүпитидә қобул қилиниду.

әнқәрә муфтийлиқи рәғаиб кечиси мунасивити билән түрлүк паалийәтләрни өткүзиду. бәштәпәдики милләт җамәсидә өткүзүлидиған паалийәттә қуран кәрим вә мәвлут оқутулиду.

диний ишлар идариси башлиқи мәһмәт гөрмәз бу һәқтә елан қилған байанатида, мундақ деди: «бу кечә қәлбимизни һәр түрлүк кин, нәпрәт вә интиқам туйғулиридин паклайли, шуниң билән, көңлимиз тәскин тепип, роһий дунйамиз һузурға чөмсун, диллиримизни иман, илим - һекмәт вә һәқиқәт нури билән йорутайли, шуниң билән, диллиримиз арам тепип, чәксиз бәхтийарлиққа чөмсун.»



مۇناسىۋەتلىك خەۋەرلەر