мубарәк үч айлар мунасивити билән мәхсус пирограмма орунлаштурулди

пәйшәнбә күни кәчтә җумһур рәислик күллийәси йенидики баштәпә җамәсидә мәхсус пирограмма өткүзүлиду.

701717
мубарәк үч айлар мунасивити билән мәхсус пирограмма орунлаштурулди

 

түркийә авази радийоси хәвири: пүтүн ислам дунйасида «мубарәк» дәп қобул қилидиған рәҗәб, шабан вә рамизан айлирини өз ичидә алған «үч айлар» ға вә рәғаиб қандилиға әтә қәдәм қойимиз.

рәҗәб ейиниң түнҗи пәйшәнбә кечиси йетип кәлгән рәғаиб қандили «рәһмәт вә мәғпирәт кечиси» дәпму қобул қилиниду.

әнқәрә муфтилиқи тәрипидин рәғаиб қандили мунасивити билән һәр хил паалийәтләр өткүзүлиду.  баштәпә җамәсидики мәхсус пирограммида қоран кәрим вә мәвлүт оқутилиду.

пирограммида әнқәрә вилайити муфтиси мәһмәт сөнмәзоғлу нутуқ сөзләйду.

мәһмәт сөнмәзөғлу мубарәк үч айлар вә рәғаиб қандили мунасивити билән елан қилған тәбрикнамисида, рәҗәб, шабан вә рамизандин тәшкил тапқан «үч айлар»ға «рәһмәт вә бәрикәт айлири» дәп баһа бәрди.

мәһмәт сөнмәзөғлу: «бу үч айларниң һәр бири илаһий тәҗәллиләр билән толған, еһсан вә икрамлар билән толған. рәғаиб, мераҗ, барат вә қәдир кечилири билән безәлгән мәнивий муһиттур» деди.

бу үч айларниң инсан руһини дуа вә ибадәтләр арқилиқ һозрунландуруш, бәндичилик еңини йеңилаш вә аллаһ тааланиң разилиқиға еришиш үчүн есил пурсәтләргә толған пәйт икәнликини тәкитлигән сөнмәзоғлу: «өзимиз үчүн, аилимиз үчүн, дөлитимиз, миллитимиз вә пүтүн диний қериндашлиримиз үчүн көпләп дуа қилишимиз лазим» деди.  



مۇناسىۋەتلىك خەۋەرلەر