xitayda toy we jinaza murasimlirigha cheklime qoyuldi
xtayning toy we jinaza murasimigha alaqidar cheklimiliri wéybo tor bétide qiziq talash–tartishlargha seweb boldi.
türkiye awazi radiyosi xewiri: anadolu agéntliqining xitayda chiqidighan güyju kechlik pochtisi gézitini menbe körsetken xewiride, munular qeyt qilindi:
xitayda chiqidighan güyju kechlik pochtisi géziti, keyli sheherlik hökümiti teripidin pütün guyju ölkisi miqyasida buningdin kéyin peqetla jinaza we tunji toy murasimi üchün ruxset qilinidighanliqi, biraq bir toy yaki murasim üchün ikki oxshash bolmighan jayning ishlitilishi hemde ikkinchi qétim toy qilidighanlarning toy murasimi ötküzüshi cheklinidighanliqining jakarlanghanliqini xewer qildi.
belgilimige köre, toy murasimi ötküzmekchi bolghan bir juplar choqum buningdin ilgiri toy qilip baqmighanliqini we buning tunji toy murasimi ikenlikini ispatlaydighan höjjet bilen alaqidar organlargha ruxset üchün iltimas sunushi hemde royxetke aldurushi lazim iken.
bu cheklimiler dairisde yene, toy murasimi ötküzülidighan qoru jaygha murasim ruxsitige dair alaqidar mesullardin tepsiliy melumat kelmey turup, murasimni bashlashqa bolmaydighanliqi tekitlendi.
jinaza murasimi heqqidiki belgilimide bolsa, jinaza murasimining chiqimini eng kéchikkendimu 10 kün ichide alaqidar mesullargha bayan qilish shert qilindi.
mezkur cheklimiler xitayning wéybo tor bétide qiziq talash–tartishlargha seweb boldi.
inkas qayturghuchilar, güyju ölkiside bay bilen kembegheller otturisida éghir perq barliqini, bu cheklimilerning peqet baylargha we chiriklik bilen bay boluwalghan hökümet emeldarlirigha yüzgüzülüshi lazimliqini ilgiri sürdi.
