ömer chelik yawropa ittipaqigha eza ellerning bash elchiliri bilen körüshidu
yawropa ittipaqi ishliri ministiri we bash muzakirichi ömer chelik ete adanada yawropa ittipaqigha eza ellerning bash elchiliri bilen körüshidu.
türkiye awazi radiyosi xewiri: yawropa ittipaqi ishliri ministirliqi bayanat bérip, yawropa ittipaqigha eza ellerning bash elchilirining 8 – dékabirdin 10 – dékabirghiche bolghan ariliqta adana we mersinde ziyarette bolidighanliqini, yawropa ittipaqi ishliri ministiri we bash muzakirichi ömer chelikning ete adanada bir kechlik ziyapette elchiler bilen körüshüp, türkiye bilen yawropa ittipaqi arisidiki yéqinqi özgirishlerni muzakire qilidighanliqini uqturdi.
uchrishishta, yawropa parlaméntining yawropa ittipaqi bilen türkiye arisidiki ezaliq muzakirilirini waqitliq tonglitip qoyush toghrisidiki qararimu muhakime qilinidu.
bash elchilerning adana waliyliq mehkimisini ékskursiye qilip, PKK térrorluq teshkilatining 24 – noyabirdiki ikki kishining ölümi, 33 kishining yarilinishini keltürüp chiqarghan hujumi yüz bergen jaygha gül – chichek qoyushi pilanlanmaqta.
