türkiye parlaménti, gérmaniyening ayshenur bahcheqapiligha qilghan muamilisini qattiq eyiblidi

türkiye awazi radiyosi xewiri: türkiye büyük millet mejlisi gérmaniyeni eyiblidi؛ türkiye büyük millet mejlisi omumiy kéngishidiki xamchot muzakiriliri esnasida söz qilghan jumhuriyet xelq partiyesi guruppa bashliqi wekili özgür özel, ayshenur bahcheqapilining gérmaniye ziyariti jeryanida pasporti oghrilip ketkendin kéyin saqchilarning nachar muamilisige uchrighanliqi, bahcheqapilining 45 minut boyiche toxtitip qoyulghanliqi toghrisida xewerlerning barliqini bildürgen halda, «parlaméntning pütkül ezaliri, bolupmu bashqurush apparati wekilliri pütkül parlamént we türkiyege wekillik qilmaqta. mejburiy toxtitip qoyush we bir parlamént ezasining chet elde körüshi kérek bolghan diplomatik hörmettin mehrum qilinishini qobul qilghili bolidighan bir ish, dep qarimaymiz» dédi.

türkiye büyük millet mejlisi bashliqi wekili ehmet aydinmu, türkiye büyük millet mejlisi muawin bashliqi ayshenur bahcheqapilining gérmaniye ayrodurumida toxtitip qoyulushini qobul qilishning mumkin emeslikini eskertken halda, «bu muamile yüzisidin gérmaniye dairilirini eyibleymiz» dédi. u sözini dawamlashturup, «buni qobul qilish mumkin emes. qeyerde bolsa bolsun, bir parlamént ezasigha bolupmu parlamént bashliqi wekilige, bir bashqurush heyiti ezasigha bu xil muamile qilinishi qetiy yosunda qattiq eyibleymiz. buningdin kéyinki basquchtimu hem dölet ichide hem chet elde parlamént ezaliri bolush süpitimiz bilen izzet – hörmitimizni ortaq halette muhapizet qilishimiz kérek. ayshenur xanimgha teselliy bérimiz we bu muamilisi üchün gérmaniye dairilirini eyibleymiz» dégenlerni qeyt qildi.