җәраблуста күндилик һайат

сүрийәниң җәраблус райониниң түркийә армийәсиниң йардими астида террорлуқ тәшкилати даештин азад қилинғандин кейин хәлқ өйлиригә қайтишқа башлиди.

563092
җәраблуста күндилик һайат

түркийә авази радийоси хәвири: район аһалиси даештин қутулғанлиқидин интайин хурсән болуватқан бир пәйттә, террорлуқ тәшкилати даеш мәний қилған телефон, телевизор, сүний һәмраһ  телевизийә антенниси қатарлиқ технологийәлик мәһсулатлар қайтидин истемал қилинишшқа башлиди.

һәрбий күчләр болса җәраблус вә чегра әтрапида даеш көмүп қойған миналарни контроллуқ һаләттә партлатмақта. партлашлар вә арқидин йуқири өрлигән ис – түтәкләр түркийә тәрәптинму көрүлмәктә.

чеграниң түркийә тәрипидә болса сүрийәдики ички уруштин қечип бу йәргә кәлгән сүрийәликләр районға қайтишқа башлиди.

тәхминән 3 йил бурун түркийәгә кәлгән сүрийәликләр өз йуртиға қайтиш үчүн 47 гирадустин ешип кәткән иссиқлиққа қаримай қарқамиш таможна еғизиға сәлдәк ақмақта һәмдә аридин бирқанчә йил өткәндин кейин өз вәтинигә қайтиш имканийитигә еришкәнликлири үчүн өзлирини толиму бәхтлик һес қилмақта.

түнүгүн кечидин етибарән ғазиантәп вә дийарбақирдин  әвәтилгән танкилар билән бироневикларму қарқамишниң чегра линийәсидики сойлу мәһәллиси әтрапиға орунлаштурулди.

танкилар билән бироневиклар әтигән тәрәпләрдә райондин чиқирилип, чегриға йолланди.



مۇناسىۋەتلىك خەۋەرلەر