түркийә хәлқи кечә – күндүз вәтәнни қоғдимақта

түркийә хәлқи демократийә байриқини егиз көтүрүп, кечә - күндүз вәтәнни қоғдимақта.

535709
түркийә хәлқи кечә – күндүз вәтәнни қоғдимақта

түркийә авази радийоси хәвири: пүткүл түркийә хәлқи фәтһуллаһчи террорлуқ тәшкилати унсурлириниң 15 – ийул һәрбий исйан урунушиға наразилиқ билдүрүш билән бир вақитта, мәмликәтниң һәрқайси җайлирида түркийә байриқини ләпилдәткән һалда мәйданларға сәлдәк еқип, вәтәнни қоғдимақта.

җумһур рәис рәҗәп таййип әрдоған фәтһуллаһчи террорлуқ тәшкилати унсурлириниң һәрбий исйан урунушидин кейинла: «әзиз хәлқимгә шундақ чақириқта болимәнки, мәйданларға келиңлар, мәйданларда буларға әң йахши җавабни берәйли, уларниң бу урунушиниң мувәппәқийәткә еришишигә ишәнмәймән. чүнки тарихтин буйан һечқандақ бир һәрбий - сийасий өзгириш ғәлибә қилалиған әмәс» тәриқисидә хәлққә чақириқ қилған, түркийә хәлқиму әрдоғанниң бу чақириқиға қизғин аваз қошуп, әдирнәдин һаққариға қәдәр мәмликәтниң һәрқайси болуң пучқақлиридин мәйданларға чиқип, шәнбә, йәкшәнбә, сәйшәнбә вә чаршәнбә күнлиридикигә охшашла пәйшәнбә күнидин кейинму саһәләргә сәлдәк ақмақта؛ демократийә байриқини егиз көтүрүп, әнқәрәдики қизилай мәйданини өз ичигә алған барлиқ мәйданларда вәтән хаинлириға ләнәт йағдурмақта. мәйданларда йаңриған тәкбир садалири вә вәтән сөйгүси мәзмун қилинған хәлқ нахшилири һәммә йақни ләрзигә салмақта.  хәлқниң қоллиридики түркийә байрақлири тәбиәтниң һөснигә һөсин қошмақта. истанбул қатарлиқ шәһәрләрдә кәң хәлқ аммиси вәтән хаинлириға болған ғәзәп – нәпритини йеганә йүрәк һалитидә ипадилимәктә. охшимиған мәйданлардин пүткүл җаһанға түркийә хәлқиниң вәтәнни қоғдаш йолида һечнемидин айанмайдиғанлиқидин ибарәт мислисиз вәтән сөйгүси мәзмун қилинған сигналлар берилмәктә.

коҗаәли, бурса, әдирнә, сакарйа, чанаққәлә, йалова, қириққалә вә тәкирдағдиму қанчә он милйонлиған хәлқ мәйданларға чиқип, вәтәнни қоғдаш йолидики мәйданини намайән қилмақта.



مۇناسىۋەتلىك خەۋەرلەر