xitaydiki torda bowaq sétish tijariti

türkiye awazi radiyosi xewiri: wénjo sot mehkimisi teripidin bu heqte élan qilinghan bayanatqa asaslanghanda, jinayetchiler bowaqlarning her birini 10 ming yüen (1520 dollar) din 100 ming yüen (15 ming 200 dollar) ghiche satqan.

saqchilar dawamliq axturup tutuwatqan bolushigha qarimay, xitayda bowaqlar bilen balilarni sétish qilmishliri nahayiti chong mesile süpitide dawamlashmaqta.

amérika qoshma ishtatliri tashqi ishlar ministirliqining melumatlirigha qarighanda, xitayda her yili 20 mingdek kichik bala élip qéchilip sétilidiken. BBC  muxbiri martin péyshins bu heqte élip barghan tetqiqati jeryanida 8 ayliq bir qiz bowaqning 30 ming dollargha sétilghanliqigha alaqidar bir élanni bayqighan. élan sahibi bergen melumatlarni xitay dairilirige yetküzgen péyshins xitaydiki balisi yoq déhqan – charwichilarning bala sétish tijariti bilen shughullinidighanliqini bildürgen. saqchilarning bultur bir qétimliq axturup tutush herikiti jeryanida 1000 din artuq bala tijaretchisi tutulghan we 400 ge yéqin bowaq qutulduruwélinghanidi. xitay hökümitining bala satquchilargha béridighan jazaliri yénik bolghanliqtin, bala – bowaq tijaritining téximu ronaq tépip kétishidin endishe qilinmaqta.